مرثية في طلال الرشيد رحمه الله
 

طلال مااااات !!! وكان موته مغايـر
موتـه كمـا مـوت الجدودالمغاويـر

اقسـم قـسـم بالله والــدم فـايـر
يبكي عليه الهيـل والجـود والطيـر

ويتيم ميّـت جـوع ضايـع وحايـر
والشعر والجنسين رجال ....وغنادير

اللـي يقّظـن بالعـروس الظفـايـر
كاحن على الشعر المخضّب زوابيـر

والمرجله والطيب وبيـض السرايـر
والطايلـه والارمـلـه والبواكـيـر

انتـه فقيـدة مجتمـع كـان طايـر
فرحه ب عيد وصار صبحه اعاصير

مو بس شمر تبكـي بصـوت ثايـر
قبايـلٍ تبكيـك يـابـوَ المعاسـيـر

يلعن ابـو جـد القَنَـص والجزايـر
على ابو جد الهَـدَد واشقـر الطيـر

ياعيد ماانت بـ عيـد مابـك بشايـر
انته وعيد وشيـن ومهيـن وصْغْيـر

موتك خساره..؟؟؟ موتك اكبر خساير
ولولا السخط لـ اقـول والله مايصيـر

واقـول موتـك مـن كبـار الكبايـر
لكـن ماهـي باليـد لفـو المقاديـر


بـ جنان عدن تشوف فيهـا البشايـر
تلقـى اثـر يدينـك البيـض يامــــــيـر

][®][^][®][ للشاعر عقاب الربع

مشاركة: مرثية في طلال الرشيد رحمه الله
 

أحسنت أخوي محمد ......ورحم الله الشاعر طلال الرشيد .

مشاركة: مرثية في طلال الرشيد رحمه الله
 

الله يرحمه يرحمة واسعه

وفعلا كما ذكر الشاعر فأن فقد طلال الرشيد خسارة ولكن القدر علينا الأيمان به وفقدانه ليس على شمر فقط فأن كل انسان يحب الطيب وعلوم الرجال يفقد طلال الرشيد ومع اننا لانعرفه شخصيا ولكن سمعته وصيته جعلته محبوب عن الجميع

ونأمل ان يكون ابناء الأمير طلال الرشبد مثله في الجود والمحبه

مشاركة: مرثية في طلال الرشيد رحمه الله
 

رحمه الله رحمه واسعه واسكنه فسيح جناتة
مو بس شمر تبكيك بصوت ثاير
قبايل تبكيك يابو المعاسير
فعلا لقد كان فقيد الجميع

مشاركة: مرثية في طلال الرشيد رحمه الله
 

اقسـم قـسـم بالله والــدم فـايـر
يبكي عليه الهيـل والجـود والطيـر

ويتيم ميّـت جـوع ضايـع وحايـر
والشعر والجنسين رجال ....وغنادير

اللـي يقّظـن بالعـروس الظفـايـر
كاحن على الشعر المخضّب زوابيـر



صح لسانك يا الشمري


رحم الله الامير طلال الرشيد فكان شاعر من طراز نادر وهو خساره لساحه الشعبيه

وكلنا عارف سبب اغتياله دون تشكيك او تلفيق الاسباب فا الحقيقه واضحه وضوح الشمس


طلال الرشيد ليس له عدو فكل الناس احبوه لتواضعه ورحابت صدره اللهم ارحمه رحمة واسعه واصبه الفردوس الاعلى