منتديات الويلان

منتديات الويلان (http://www.al-welan.com/vb/index.php)
-   منتدى قصص وقصائد الباديه (http://www.al-welan.com/vb/forumdisplay.php?f=24)
-   -   فرقة الدرعيه للعرضه السعوديه (http://www.al-welan.com/vb/showthread.php?t=1028)

الشقاوي 12-27-2005 09:59 PM

فرقة الدرعيه للعرضه السعوديه
 
بسم الله الرحمن الرحيم

أيها الأخوه يسرني أن أكتب لكم
عن فرقة الدرعيه للعرضه
السعوديه وأشهرشعرائهافي عهد
المغفورله أن شاء الله جلالة الملك
عبدالعزيزبن عبدالرحمن أل سعود
رحمه الله وأشهر شعرائها هم
العوني . أبن دحيم . العريني
فرقة الدرعيه للعرضه السعوديه
تعتبر من أقدم الفرق في المملكه
وتقدم الفرقه لونا من الوان
الفنون الشعبيه المتوارثة عبر
الأجيال يثيرحماس الفرسان
بأشعاركلها ترمزللشجاعه والتفاني
في الحروب !
ومؤسس فرقة الدرعيه المرحوم
عبدالعزيزبن صالح تم تأسيسها
في عهدالمغفورله أنشاء الله الملك
عبدالعزيزبن عبدالرحمن أل سعود
رحمه الله .
وأول قصيدة قيلت بعد فتح
الرياض فاليوم الثاني عندماقدموا
أهالي الرياض لتهنئة الملك
عبدالعزيز جادت قريحة الشاعر
الحوطي بهذه القصيده :
‏ ‏
* * * * *
دار ياللي سعدها توماجاها
عقب ماهي ذليله جالهاهيبه
جوهل الدين والتوحيدوحماها
وذهب الله هل الباطل وصاحيبه
قام عبدالعزيزوشيد بناها
شيخنااللي بحكم الشرع يمشيبه
يوم قامت تشكى سمع شكواها
وصلها قبل تاصلها مناديبه
عقب ماهي عجوزجدد صباها
زينهاللعرب قامت تماريبه
عشقة للسعودمن الله أنشاها
حرمت غيرهم تقول ماليبه
جا الحباري عقب ونثردماها
يوم شرف على عالي مراقيبه
صيدته يوم صف الريش مخطاها
وفي الثنادي على الهامه مضاريبه
ذبح عجلان فيها ماتعداها
ماحلا عند باب القصر تسحيبه
يوم شفته بعيني طاب ممساها
طيرحوران شاقتني مضاريبه

وقصيدة فهيد بن دحيم الحربيه
عندعودة الملك عبدالعزيزرحمه الله
الى الرياض قيلت هذه القصيده
عندقصرالحكم

نجد شامت لأبوتركي وأخذها
شيخنا
وأخرمت عشاقها عقب لطم
خشومها
ليا بكت نجد العذيه تهل
ادموعنا
بالهنادي قاصرين شوارب
قومها
حناهل العادات ومخضبين
سيوفنا
والطيورالحايمه جادعين
لحومها
صعبة أفعالنا ألى بغاها
غيرنا
وكلمة التوحيد حنا عمار
رسومها
حناهل العوجاء نهارالملاقى
عيدنا
والجزيره كلها مدبين
قرومها
لابتي عوج المراكيض هذا
سوقنا
بيعوا الأرواح بالهوش بأول
سومها
مرخصين أرقابنا ليازهمنا
شيخنا
والقبايل كلها شيخنا
قيدومها
في تواريخ العرب راسمين
علومنا
وعادت الدنيا تزول وتدوم
علومها

‏ وقصيدة العوني يقول فيها

مني عليكم ياهل العوجا سلام
واختص أبوتركي عما عين
الحريب
ياشيخ باح الصبر من طول
المقام
ياحامي الونيات ياريف
الغريب
أضرب على الكايد ولا تسمع
كلام
العز بالقلطات والرأي
الصليب
لو أن طعت الشور يالحر
القطام
ماكان حشت الدارواشقيت
الحريب
أندب هل العوجا مدابيس
الظلام
هم درعك الضافي ليابار
الصحيب
عينك ألى سهرت يعافون
المنام
غش لغيرك وأنت لك مثل
الحليب
لياعسكر البارود وأحمر
القتام
وتلافحت باذيالها شهب
السبيب
والله مايجلي عن الكبد
الملام
ألا الموارت يوم ياتي له
نحيب
ومصقلات كنها نوض
الغمام
بحدودها نفرق حبيب من
حبيب
ياكاسب الطولات طير الجو
حام
والذيب جر أعواه في عالي
الجذيب
أبطا عليه القوت واحلولا
الطعام
يبغى طري مل من كثر
الغبيب


أبناخيكم
{ الشقاوي }ا

فواز أبوخالد 12-28-2005 12:31 AM

مشاركة: فرقة الدرعيه للعرضه السعوديه
 
مشكور يالشقاوي .........

محمد الهدبان 12-31-2005 09:45 PM

مشاركة: فرقة الدرعيه للعرضه السعوديه
 
مشكور يالشقاوي والله لا يشقينا إلاّ بطاعته .


الساعة الآن 10:30 AM.

Powered by vBulletin® Version 3.8.8
Copyright ©2000 - 2024, vBulletin Solutions, Inc.