منتديات الويلان - قصيدة الشاعر عبدالله بن عبار رداً على الشاعر المجهول

هذه القصيدة موجه للشاعر ( ...... ) الذي لمحّ في عدة قصائد لوضع هو غني عن ذكره مثل قوله من قصيدة جاء شطر بيت منها :
داري أهل حمص وحماة انزلتها
ومن قصيدة اخرى جاء قوله :
[poem=font="MS Sans Serif,4,black,normal,normal" bkcolor="transparent" bkimage="" border="none,4,teal" type=0 line=0 align=center use=ex num="0,black"]
حنا بأهل شط الفراه ابتلينا =جونا على ريح الدسم والشواطي [/poem]
أما هذه القصيدة فهي مجاراه لقصيدته التي قالها بمناسبة معاملة بعض أفراد قبيلته عندما جاءوا من دولة الكويت وهم لم يحصلوا على الجنسية السعودية وقال لهم المعازيب نمنحكم بطاقات تنقل داخل المملكة العربية السعودية إلى فترة ونمنحكم الجنسية السعودية فغضب شاعرهم وقال :
[poem=font="MS Sans Serif,4,black,normal,normal" bkcolor="transparent" bkimage="" border="none,4,teal" type=0 line=0 align=center use=ex num="0,black"]
اصبروا باكر ويطلع بالجريدة =أنّ مثل النازحين أمعاملتنا
حطوا اللي جاهدوا دون العقيدة = مثل ناس توها قبل أمس جتنا[/poem]
وحيث أن المقصد هو لمز قبيلة عنزة القاطنة في حفر الباطن لذلك وجهت له هذه الأبيات :
[poem=font="MS Sans Serif,4,blue,normal,normal" bkcolor="transparent" bkimage="backgrounds/19.gif" border="double,4,teal" type=0 line=0 align=center use=ex num="0,black"]
هيه ياللي للحفر وجهة مديدة=خذ معك رد البيوت اللي لفتنا
ودها الشاعر وسجلها بقيده=وبلغّه يعرض عن أقوال ازعلتنا
كان فكره يبدع الشعر ويجيده=نظم صعبات القوافي ماعسرتنا
نفتهم وعقولنا ما هي بليدة=وندرك حلول المعاني ما خفتنا
نترك الهزلة ونعاف الزهيده=ولا نقول إلا قرايض شرفتنا
استخير الله ولا نظلم عبيده=وبه نعوذ من العباد اليا ظلمتنا
ما نعيل ولا نبي شب الوقيدة=مار بعض الناس بالقيل ابلشتنا
ننصح المخطي عسى نأخذ على ايده=ونرشد اللي عال واشعاره هجتنا
خطو شاعر كل ما يلفظ نشيده=أما فيها اغتابنا وإلاّ بهتنا
ماتركنا ولا توقف عند ميده=ولا حشمنا من النعوت اللي نعتنا
نطلب المذكور هرجه لايزيده=يجتنب نطق العلوم اللي اغضبتنا
ما نصير لمن يريد الصيد صيده=كل من طاشت عباريده رمتنا
من تحدانا نشبنا في وريده=نذكر الواقع ولا نهفي بختنا
لو قدح هيهات قدحه مايفيده=ولا وضع من قدرنا مهما شمتنا
ليت لو هو كف عن لمز البديدة=ربعنا الأدنين واعصبة ارقبتنا
تصبح اليمنى بلا يسرى وحيده=من هجا اللآبه مهاجيه اشملتنا
ليش كبده من بني وائل لهيدة=والشريعة عن حمى الفتنة نهتنا
كان قصده ضدنا حوك المكيـــدة=لأجل تحريض القلوب اللي ابغضتنا
القلوب السود ما ينظف صـديـده=من سبب حقد الضغاين مابغتنا
نحمد الله ماخرجنا من العقـيـــدة=ولا مع اهل الحق بالراي افتختنا
من زمان الأشعري وأبو عـبـيـدة=نحمد المولى على الملة ثبـتـنـا
غره أنه عاش في عيشة رغــيــدة=ومنوته لو شافنا من الجـوع متنا
حطنا مثل الصعاليك الطريــــدة=وتعتبرنا اجـناب وحنا بمنطقتنـا
دوم عن وجودنا يعلن جحــيــده=سجـل المنظوم وأقـواله نفتـنا
كان مايـدري بالاخبار الـوكـيـدة=لو نشد نجــد العذيه مانكرتنا
من زمان الجد والنجل وحفـيـــده =هي بلدنا اللي على ترابـه نبـتنا
من حريق رشـيد اليا غربي بـريــده=دارنا ودار الـجدود اللي انجبتنا
ويوم غرسـات الوطن صـارت همـيده=عم وقت القحط والديرة جفتـنا
نعم سافرنـا على الـدار البـعـيــدة=والمجاعـة من بلدنـا نزحـتـنا
حتى بلاد الـروم دوجـنا بصعـيــدة=نخترقهـا والهنـادي واسطتـنـا
نتعب الزرفـات مايوني قـديــــدة=وين مايوجـد مكان الريف بتـنا
والحمى نقطـف ثـماره مـع حصيـده=ونرتع بروض الفياض اللي اعجبتنا
والمـعـادي ما يخوفـنـا وعـيــده=حيث حالفنا السيوف وحـالفـتنا
وإن بدأ صوت الفشق يزجـر رعيـده=خصمنا مازلـزل البـيدا تحتـنـا
ترتعـد منا الشياطين الـمـريـــده=وندعس حضوف الأفاعي ماقرصتنا
هابنا النمر الجسـور ومـد جـيــده=وبلم فـواه الكـلاب ولا نبحتنا
عصر من سيطر على خصمه يبـيــده=باللقا عصم الشـوارب جربتـنا
من بغا يجحـد مفاخرنـا التلـيــده=الخبر عند الرجـال اللي عرفتـنا
والملوك الـغـر صافين الحـديــدة=غصنهم ساسه من جذوع شجرتنا
الزعيم اللي على العالـم فـقـيـده=قائـد الأمـة افعولـه نومستـنا
أبو تركـي طـوع الروس العـنيـده=قبل حكم الليث والحـرب اذهبتنا
ويـوم سـاد اللي مفاعيلـه فـريده=زالـت الشحناء والأيـام اسعدتنا
واحمـد المولى ضمايرنـا وديـــده=والهـروج المغرضـة ما فـرقتـنا
حـاكم الحكـام يستاهـل حمـيـده=والوصايـا اللي كتـبها سنعـتنا
جـاهـد ورد الـمغادر للقـعيـدة=وزال كابوس الظروف اللي ابعدتنا
وبأمرهم صـارت علاقتنا وطـيـده=وكل خلق الله على الأمن حسدتنـا
وعاش سيف الحق مولى الشعب سيده =الفهد شال الحمول اللي اضهدتـنا
طـودنا الشامـخ تذرينا بحـيـده=هو سندنا حين تعضل مشكـلتـنا
وعضـده المزبن بالأيام الشـديـده =ذخـرنا كان البطانـة عرقلـتـنا
نحتري من عطفـهم بشرى سـعيده=صـابرين وننتظر للحـل نـتـنا[/poem]

منقول من نشرة وزعت للشاعر : عبد الله بن عبار