منتديات الويلان

منتديات الويلان (http://www.al-welan.com/vb/index.php)
-   منتدى أستراحة الويــلان (http://www.al-welan.com/vb/forumdisplay.php?f=57)
-   -   ســــــؤال محرج للبنــــــــات بس ؟؟؟؟ !!!!!!!!! (http://www.al-welan.com/vb/showthread.php?t=883)

أبو فارس 12-20-2005 05:22 PM

ســــــؤال محرج للبنــــــــات بس ؟؟؟؟ !!!!!!!!!
 
--------------------------------------------------------------------------------


السلام عليكم ورحمة الله وبركاته00
طبعاً البنات لهم حق علينا ....

سؤال محرج للبنات ! !!!!!!!!!
لو مثلا انتي كنتي طفشااااانه ونايمه الظهر ويوم صحيتي لقيتي اهلك صاحين وقاعدين يتغدوون قمتي

قعدتي معهم وانتي واصلة معك الا امك تناظرك وتضحك

وانتي كل شوي تعدلين بشكلك تحسين فيكي شي غلط ويوم خلص

ابوك من الغداء وقام هو واخوانك

التفتت عليكي امك وقالت لك :مبرووووك يابنيتي

انتي : مبروووك على ايش (طفشانه ومالك خلق )

امك : اليوم كلمتني حرمه تبيك

طبعا راح تتغير ملامح وجهك ويروح الطفش ويصير وجهك مايحتاج بشوش بس بتستحين من امك وبتخلين وجهك

خجول وبتقولين

انتي : وش تبي الحرمة (انواع الاستهبال)

امك : تبيك تكنسين حوشهم وش تبي يعني تصور مع خشتك

انتي : يعني تبي تخطبني (بريئة مرة )

امك : ايه وش قلتي

انتي : ماابغى اعرس (مسوية قوية وماهمك)

امك : طيب برسله لبنت خالك ( حشا صاااار ايميل مو ولد )

انتي : ياحليلك يمه تراني امزح على طول تصدقين

المهم بعد يومين دقت ام المعرس

ام المعرس : الووووو (متحمسة) وولدها جنبها

امك : الوووووو

ام المعرس : وشلونكم

امك : طيبين


شكلي بطولها المهم بوصلكم للزبدة (صارت مكرونه بالباشميل )

ام المعرس : وش قلتوااااااا

امك : موافقين

ام المعرس : اجل ترى يوم الخميس بيجي ولدنا يشوووف بنتكم

امك : اوكي ( عادي امك متطورة )

المهم خلصوووووو وانتي بدا قلبك يقول طربق طربق طربق اليوم الاثنين ويوم الخميس قريب

والسؤال المهم :


0

0

0

0

0

0

0
0

0

0من يوم الاثنين الى الخميس اوصفي مشاعرك ؟ يالله ؟؟؟




رمضان العنزي 12-20-2005 06:16 PM

مشاركة: ســــــؤال محرج للبنــــــــات بس ؟؟؟؟ !!!!!!!!!
 
ابو طلال يقول اني دائما ادافع عن البنيات
وترا جوابي هذا ماهو لقافه ولكنه مجرد توقع

اول شيء وخلال هالفتره تحاول تعرف اشياء عن الولد
مثل الوظيفه
ومن اي الناس
وامه عايشه معه والا بيبيت لحاله
هل يقدر الحياه الزوجيه (( ما ادري ويش تعريفها بالظبط))
وبين كل لحظه واخرى تطل على المرايه وتمشط اقذيلتها

لكن ويش شعور البنت اذا بعد ماشافها الولد بعد كم يوم اتصلت امه وقالت لأم البنت

والله ياخيتي الولد يقول انه ماعاد يبي الزواج

رمضان العنزي 12-20-2005 06:18 PM

مشاركة: ســــــؤال محرج للبنــــــــات بس ؟؟؟؟ !!!!!!!!!
 
اكيد البنات احقدن علي

ولسان حالهن يقول

فال الله ولا فالك

الحصبان 12-20-2005 06:46 PM

مشاركة: ســــــؤال محرج للبنــــــــات بس ؟؟؟؟ !!!!!!!!!
 
البنت اكيد تقول هذا جاهل مو مال زواج بس يلعب مهو تكانه اشوا ان الله فكني منه

أبو فارس 12-20-2005 06:54 PM

مشاركة: ســــــؤال محرج للبنــــــــات بس ؟؟؟؟ !!!!!!!!!
 
رمضان
الحصبان

كل الشكر لكم على اهتمامك بـ ........ ؟؟!
بس ما اظن تفكيرهم كذا..!!!

كحيـلان 12-24-2005 02:29 PM

مشاركة: ســــــؤال محرج للبنــــــــات بس ؟؟؟؟ !!!!!!!!!
 
[align=center]من يوم الاثنين الى الخميس اوصفي مشاعرك ؟ يالله ؟؟؟

طيب ليش يوم الخميس الله يهديك خير الكلام عاجلة [/align]

آلسلطآن 12-24-2005 02:42 PM

مشاركة: ســــــؤال محرج للبنــــــــات بس ؟؟؟؟ !!!!!!!!!
 
ههههههههههههههههههههههههه


الكحيلان والله انك صادق بس يلتهم يتكلمون


انا بوصف مشعري وانا عريس

1- اضبط العلاقع مع عمي (ابو العروس ).
2- ادور على هديه على مستوى .
3- اتكي عند الحلاق من صبح يوم الاثنين لي يوم الخميس(عشان اطلع مزيون قدمها).
4- اشتري جوال للخطيبه (عشان بعد الخطبه افلها ).


اما البنت تبي تقول كما اتوقع زي مقال كحلان

من يوم الاثنين الى الخميس اوصفي مشاعرك ؟ يالله ؟؟؟

طيب ليش يوم الخميس الله يهديك خير الكلام عاجلة

أبو فارس 12-24-2005 02:56 PM

مشاركة: ســــــؤال محرج للبنــــــــات بس ؟؟؟؟ !!!!!!!!!
 
[align=center]يااشباااااااااااااااااب
ليش البنات ولا وحدة ردت ليش كل اللي ردو شباااااااااااااااب ...!!!!!!!

لو سؤالي موجه للشباب انا متاكد محد رد ..!!!!!!! صح ؟!
[/align]

عبدالعزيز ابن عربان 12-24-2005 03:10 PM

مشاركة: ســــــؤال محرج للبنــــــــات بس ؟؟؟؟ !!!!!!!!!
 
[align=center]لو سؤالي موجه للشباب انا متاكد محد رد ..!!!!!!! صح ؟!

يجب ان ترد لمشاهدة المحتوى المخفيياضجيج الصمت[/align]

آلسلطآن 12-24-2005 03:24 PM

مشاركة: ســــــؤال محرج للبنــــــــات بس ؟؟؟؟ !!!!!!!!!
 
لو سؤالي موجه للشباب انا متاكد محد رد ..!!!!!!! صح ؟!

صح !!!!!!!!لسانك ياضجيج الصمت



طيب انا رديت

وقلت كل شي


بس للسف مفي الا كم بنت

وميدخلون وجد

فحنى ليش ما نحط توقعتنا

واذا ردن خير على خير واذا مردن فمعذورات


الساعة الآن 05:07 PM.

Powered by vBulletin® Version 3.8.8
Copyright ©2000 - 2024, vBulletin Solutions, Inc.