منتديات الويلان - حال الشباب في المقاهي

لاحظت بعض البنات حاسدين الشباب على الطلعات والخرجات وعلى السردحه طول الليل والنهار :D
السردحه = الفرفره والدجه
وقيل فيها ايضا انها تعني / التبطح كل شوي في مكان وهذه من صفات القطاوه في القوايل .. كل شوي ينبطح القطو تحت سياره يدور البراد :D

وقد رأيت اثابكم الله رداَ على موضوع ما .. من فتاة قالت فيه ( يكفي انكم تطلعون وتتجمعون في القهاوي ) ههههههههه < الله يرحم والدينا ووالدينك بس يا اختي العزيزهhttp://www.al-welan.com/vb/images/smilies/rolleyes.gif
حاسدتنا على القهاوي المخيسه ؟ ههههههههه القهاوي مرتع المنسمين والعرابجه ...
على بالها مسكينه ان القهاوي وناااسه http://www.al-welan.com/vb/images/smilies/rolleyes.gif

بعطيكم مثال بسيط على عيشة القهاوي كل ليلة ..

خالد ... بندر .. عبدالعزيز .. محسن الطرش ..عبدالله القزم

هذي شلتي المنتهيه .. كلنا طلاب ماعدى عبدالله القزم موظف .. وشايف نفسه علينا .. تبا له ترمس الشاهي :D

كل يوم نتاقبل في القهوه .. ومستأجرين غرفه خاصه فينا في القهوه ..

الغرفه مخنزززززززززززه ... لو يدخلها كلب الله يكرمكم خرج وهو ماسك خشمـه ههههههههههههه :D
نتجمع فيها كل ليله من الساعه 9 ليلا .. وعاد انا اكون اول الحاضرين اغلب الاحيان علشان امسك الطراحه واتمدد عليها براحتي . ومحدن يجي يحاشرني عليها :D
فيها تلفزيون . وبلايستشين وفيها نت. .. وفيها ثلاجه خربانه وش نبي فيها مدري .؟ حاطينها زينه خخخخخ :D ؟!؟ .. وفيها اربع معسلات ... وفيها دلال وحلال وبراريد وصحون وشاهي وقهوه وتمر .... وجراك وفحم وبرميل مويه كبر راس محسن الطرطشلي .. :D
باب الغرفه مايتقفل اصلا .. ناس رايحه وناس جايه .. من ربعي وربع الشباب بالليل والنهار .. :Dالبنقالي كان يدخل ينظف الغرفه في الاسبوع مرتين ونعطيه عشر ريال .. البنقالي تعب صراحه ههههههههه كل مايدخل الغرفه يطلع وهو محمل كم كيس من القرف الي في الغرفه ...
الي ياكل ويخلي اكله مرمي على الارض مايشيله .. واذا احد قاله شيل زبالتك يامروح يامعفن .. قال .. وشهوله نعطي البنقالي عشر ريال كل اسبوع ؟؟؟ يلعن شكلك طيب شيل الي اكلته يالووووح .. ومو راضي يشيله ..
القطاوه صارت زي الاسود في القهوه والسبب من الاكل الي يخلونه مرمي على الارض .. يدخل القطوا القهوه وياكل ليييييييين ينتفخ .. :D
البنقالي الي ينظف الغرفه قرف عمره من الحاله هذي .. كل مايخش الغرفه .. تصيبه حاله من الهستيريا .. ويخرج يهايط على الشعب ههههههههههه ( يسكر من ريحة الغرفه ) :D

عاد قناة غنوه شيء ثاني و*6
قناة غنوه تعتبر استكنان للشباب في القهاوي .. ههههههههههههه :D
اذا تجمعوا الشباب يسولفون وحطوا قناة غنوه ؟؟ < تسمع انواع التنهد خخخ و*6 :D
الي يقول .. ياويل قلبي ويلااااه ..:D
والي يقول .. يالبييييييييه :D
والي يقول .. المشكى على الله :D
والي يقول .. الله لايحرمنا :D
والي يقول .. ياليت من له مثلها :D

ياويل واحد ابوه ولا امه تتصل عليه وتقوله وينك تأخرت خخخخخخخ يآخذونه الباقين طقطقه :D
روح ياولد الماما ... روح يادلوع ... روح امك خايفه عليك .. روح قبل مايجي ابوك يدور عليك :D

نسهر لحد الساعه 1 او 2 في الايام العاديه .. ولحد الفجر في الاجازات .. نتهاوش

حبيت اعطيكم فكره عن حياة الشباب في القهاوي وهي اكيد لاتخفى على الشباب .. بس فتحت نافذه للي مايعرف هالحياة .. يكون عرفها الحين :D

وشكرا لي و ر99