مرثية جروح الندم
 

[frame="7 80"]
[frame="7 80"]
[frame="7 80"]
هذه القصيده كتبت في وفاة جدي (ابوي الغالي ) بعد عيد الفطر مباشره
هالفتره كانت مليئه بالحزن

بعد الاحداث اللي صارت بجده وآلمتنا جميعاً ثاني ايام العيد نقل جدي للعنايه المركزه واثناء فترة مرضه شفته وتألمت وطلعت معاي كم بيت

يادمعتن بالعين فاضت وصديـــــت
وياهم من بين الظلوع امتحنــــــي
من جرح من بين المعاليق ونيــــت
ومن عبرتن داريتها واخنقتنـــــــي
لاعاد عيد الحزن عيد التناهيـــــت
عيد الضحايا والغرق والتجنــــــي
واكبر حزن طيحتك ياطيب الصيت
جمرة غضى بين المحاني كوتنــي
مدري اصدق شوفته او تواريـــت
مدري علم مدري حلوم ازعجتنـي
تثاقلت اخطاي بالدرب واقفيـــــت
وقعدت افكر في همومن طوتنــي
يارب ياللي عالمن بالتناهيـــــت
ترفع عنه يارب وتزيح حزنــــــي


كان اموت له اقرب ....رحل عاشر ايام العيد .....و*12 ....اسأل الله العظيم ان يرحمه وان يجعل مثواه الجنه
بعدها بفتره كتبت هالقصيده


ياليلة الاربعا لاعادك الله فالليالـــــــــــــــــــــي
فجعتني ياقدر واشعلت في روحي شقاهــــــــــا
قالو رحل وابتدى حزني وهاضت بي شجونـــي
وونيت ونة عليلن ماعرف شنهو دواهــــــــــــا
ياعزوتي من رحيلك هم قلبي محتوينــــــــــــي
وعيني تعاف المنام ودمعتي ينسااااب مـــــــاها
من ونة في ثنايا القلب جريت اللحونــــــــــــي
والدمع من سبته عيني يحالفها عمــــــــــــــاها
لو ابكي الدهر باايامه الين يكفنونـــــــــــــــــي
ماعبرت دمعتي بالحزن من فرقا غلاهــــــــــا
راح الفقيده عسى رب البشر يبري طعونـــــــي
ويرحم اللي فراقه ظلم الدنيا وطفاهــــــــــــــا
والله لو يجتمع هالكون كله ويحلفو لــــــــــي
للحين عيني تكذب كيف روح مااحتراهــــــــا
عزيتك الليوم ياعيني رحل زين الطبوعـــــي
رحل وجاني الخبر في ليلتن ظلم سماهـــــــا
صلوا عليه العصر في بقعة المولى الرحومي
البقعه الطيبه ياسعد من يسكن ثراهــــــــــــــا
يامزنتن صبي الليله على قبره بهونــــــــــي
واسقيه في مسكنه همال يبرد من لظاهــــــا
ويارب تجعل له المسكان روضن بالجناني
وتذهب عنه وحشتن بالقبر تكفينا بلاهـــــــا
من يوم روح فقيد الكل والدنيا بعينــــــــــي
ماعاد تسوى بعيني شي واضناني شقاهــــا
رحل عزيز البشر وبكى غيابه كل عينــــي
راح وترك جمرتن تشب مايطفى لضاهـــــا
جمرة غضى تشتعل من حرها وسط الظلوعي
حرة مفارق عيون اللي رحل واعمى سناها
عزوني الناس وانا ويش اعزيبه عيونـــــي
لامن لفتني طيوفه سال دمعي من عناهــــا
ياوالدي من رحيلك هم قلبي محتوينـــــــي
وعيني تعاف المنام ودمعتي ينسااااب ماها
رحلت ياعزوتي يامقلة العين اليميـــــــني
رحلت في غمضتن بالعين يامسرع نباها
يافزعة الجود ياراع الحميه والعزومـــي
ياوقفة الوافي اللي ماتوانى عن وفاهــــا
ياليت خيرني الرحمان في موتك وفينــــي
لااختار روحي لروحك تغدي الليله فداها
لكن قدر وحكمة الله مايقابلها جزوعـــــــي
وتلهم ونين المفارق صبر يسكن في رجاها
ويارب ترحم فقيد الطيب وتفرج لي همومي
وتجعل له الاخره خيرن من الدنيا وشقاها
وصلاة ربي على خير البشر عد المزوني
وعداد ماسالت العبرات من حزنن غشاها
[/frame]
[/frame]
[/frame]

رد: مرثية جروح الندم
 

الله يغفر لجدك ويرحمه

ومرحباااااا بعودتك .. تو مانور المنتدى

وصح لسانك على القصيدتين الرائعتين

دمتي بخير .


.......

رد: مرثية جروح الندم
 

الله يغفر لجدك ويرحمه رحمه واسعه

اختي جروح الندم

صح لسانك
واهلاً بعدوتك والحمد لله على السلامة

رد: مرثية جروح الندم
 

اقتباس:
المشاركة الأصلية كتبت بواسطة فواز أبوخالد http://www.al-welan.com/vb/images/al...s/viewpost.gif
الله يغفر لجدك ويرحمه

ومرحباااااا بعودتك .. تو مانور المنتدى

وصح لسانك على القصيدتين الرائعتين

دمتي بخير .



.......

مرحبا اخوي فواز
الف شكر على مروركوالله يجزاك بالخير

رد: مرثية جروح الندم
 

[frame="7 80"] اقتباس:
المشاركة الأصلية كتبت بواسطة سامي التويجري http://www.al-welan.com/vb/images/al...s/viewpost.gif
الله يغفر لجدك ويرحمه رحمه واسعه

اختي جروح الندم

صح لسانك
واهلاً بعدوتك والحمد لله على السلامة



هلا فيك سامي
والله يجزاك بالخير
[/frame]

رد: مرثية جروح الندم
 

رد: مرثية جروح الندم
 

اقتباس:
المشاركة الأصلية كتبت بواسطة أبـــ بنت ـــوهـا http://www.al-welan.com/vb/images/al...s/viewpost.gif

عظم الله أجرك أختي جروح

الله يرحمه ويغفر له
ونسأل الله أن يسكنه فسيح جناته
والحمد لله على السلامه
نورتي المنتدى بحضورك
وإن شاء الله آخر الأحزان يارب

جزاك الله كل خير يالغلا .....لاعدمت هالتواجد

رد: مرثية جروح الندم
 

رد: مرثية جروح الندم
 

[frame="7 80"]
الله يجزاك بالخير اخوي نايف المنتدى منور فيكم
[/frame]

رد: مرثية جروح الندم
 

الموت ماعنه لو جميع الناس حبوني.......وياكم نغلي ناس والموت وداها
صوب المقابر وانا وراهــــم يودوني......والناس لو تبكي فلا ينـــفع بكاها
وان مت وش ينفع لو الناس يبكـوني.....ابغى من الناس بس خالص دعاها

الله يرحمه ويسكنه فسيح جناته واموات المسلمين اجمعين يا رب