منتديات الويلان - والله انك وين ماتروح تلقاني وراك *** مستريح في خيالك وقلبك ونظرك

منتديات الويلان (http://www.al-welan.com/vb/index.php)

- منتدى الشعر المنقول (http://www.al-welan.com/vb/forumdisplay.php?f=42)

والله انك وين ماتروح تلقاني وراك *** مستريح في خيالك وقلبك ونظرك

يقهرونك لا حكـوا عني..وتظلـم سمـاك
وكل شئ الى حكوا فيـه عنـي يقهـرك
وان تغنوا ومدحوني بدأ الخوف يغشـاك
وان تباهوا في قصيدي يجيبـون خبـرك
والله انك ويـن ماتـروح تلقانـي وراك
مستريـح فـي خيالـك وقلبـك ونظـرك
تبـي تلقانـي هنّيّا..وتلقـانـي هـنـاك
ولو تناسانـي سحـاب العيـون يذكـرك
لا تلوم اللي دفن كل عمـره فـي وفـاك
يوم رد الطعنه اللي بـدت مـن خنجـرك
ماهو ذنبي كل ما تظمأ تشكي لي ضمـاك
كنت كلي لك..ولا ادري وش اللي غيـرك
كنت في دنياي غالي ولا احد فـي غـلاك
وكنت تسهرّني بليل الأمانـي وأسهـرك
وكنت أروّض زاهيات القوافي في حـلاك
وكنت اسلّ الجمر والشمس من ليل شعرك
وكان شعري فيك كله..ويمشي في هـواك
وكانت جروحي تراقص فرح فـي دفتـرك
وكنت اذوبّهـا بقلبـك وتنثرهـا شفـاك
لين قلبي مـن جنونـه غـدى يتنثـرك
لكن ارخصت المحبة وبعت اللـي شـراك
ورحت عني ياخسارة..وانا ماابغى أخسرك
ليه جيت تفتش الماضـي وقلبـي نسـاك
كيف تهجرني وتستغـرب أنـي أهجـرك
وينك من أول وقلبي يتعذب فـي رجـاك
توك تحـس بخطـاك وتبينـي أعـذرك
تدري..!! لو هالدنيا مافيها لي احد سواك
والله اني مـا التفـت يمـك ولا أعبـرك

هذي القصيدة للشاعر: خالد الجبر...