منتديات الويلان - غبتو عني ليييييييييييييييييييه

منتديات الويلان (http://www.al-welan.com/vb/index.php)

- منتدى قصــائد الأعضــاء (http://www.al-welan.com/vb/forumdisplay.php?f=64)

- - غبتو عني ليييييييييييييييييييه (http://www.al-welan.com/vb/showthread.php?t=20765)

غبتو عني ليييييييييييييييييييه

اخواني خواتي اعضاء منتدى الويلان اسعد الله جميع اوقاتكم
هذا ياجماعة الخيرجيت يم المنتدى واليامار هو زعلان وش فيك قال وش فيني
وبعد تقول وش فيك وهز راسه وقلت سلامات وش اللي صاير قال بصوت مرتفع كلكم تركتوني قلت انا مادريت
افتكر اني ماغير انا قال كل واحد يفتكر هو الغائب فقط المهم انا وياه نتهاوش وقال المنتدى هذه القصيده وطلب كفيل للأعضا بعدم غيابهم وكفلت الجميع وقال اخر مره قلت ابشر وتكفون ياجماعه صرح شامخ يجب اننا نكون يد بيد لنرتقي به الى الاعلى ولكم قصيدة المنتدى

[poem=font="arial,5,darkblue,normal,normal" bkcolor="transparent" bkimage="" border="double,5,green" type=0 line=0 align=center use=ex num="0,black"]
يقول المنتدى ساعة فقدكم ياطلق الاحباب = غريبه وين راحو وتركوني بس انا لحالي
تركتوني وانا بوجيه الاعضاء ماقفلت الباب = وانا الصرح العظيم اللي شموخه بالسماء عالي
انا الويلان والويلان لهم البيرق الجذاب = على كوكب زحل دائم يرفرف عبر الاجيالي
ادب 0عز0 وكرم والعلم معروفن مع الاجناب = تعلمك العرب عن طيبهم كان الزمن مالي
واسود(ن)بالشجاعه كان حضرت فقدت الاعصاب = على حياض المنايا ياردون الموت طوالي
انا بنك النوادروالدرر ومجمع الاداب = ولوتدور بقوقل مالقيت لوصفي امثالي
وعلى قام يتشره قلت تكفاء أي واحد غاب = تراه بمنطقه نائية(ن)مافيها ارسالي
انا خبري بهم الكل منهم اشترى دباب = وفي وسط النفودمشاركين بمنتدى الرالي
وقال الريس الفخري وقلت يرتب الشباب = وقال وين المدير وقلت غرز بالخلا الخالي
وقال لي بنت ابوها قلت راحت تطرد السراب = على جيب(ن)مصندق لونه ازرق كانه هلالي
يتفتف بالثنين ولابسه فوق العصابه كاب = تمر الطعس مثل الطير بالاقفا والاقبالي
وقال وين البقيه ثم نظرلي نظرت استغراب = وقلت اعلمك بالعلم الاول واسمع التالي
ترا الباقين راحو يسعفون أي واحدن منصاب = تعرف ان الحوادث بالطعوس الوان والشكالي
وتراهم بالطريق يعوضونك كن ماحدن غاب = وتبشر بالعلوم الطيبه من غالي لغالي
وقال المنتدى لو كرروها غير بالمشعاب = وانا جيته كفيل لكل الاعضاء مابها جدالي[/poem]
http://carphotos.cardomain.com/ride_...0044_large.jpg