قصيدة محمد النجدي ((الشيخه))
[poem=font="Simplified Arabic,7,white,normal,normal" bkcolor="black" bkimage="backgrounds/21.gif" border="double,8,darkred" type=2 line=1 align=center use=ex num="0,black"]
من البارحة بالقلب هجـس ٍ وتعبـار=هجس ٍ وهاجـوس ٍ تعاقـب نكيفـه الصبر مفتاح الفـرج هـو والافكـار=من لاصبر تصبـح حوالـه كسيفـه يالله يالمطلـوب يــاوال الاقــدار=انت الـذي مـدات جـودك لطيفـه يالله يالمعبـود عـاون هـل الكـار=تحـل شــدات عليـهـم كليـفـه اللـي مجالسهـم بهـا بـن وبهـار=ونجـر ٍ يصـوت للمسيـر رجيفـه ومكارم ٍ للضيـف عجـلات وكبـار=ومفطحـات فـي صحـون نظيـفـه تقليطهـم للضيـف قعـدان وبكـار=وحيل الغنم وقـت السنيـن الحفيفـه اكرام ضيـف البيـت حـق وتعبـار=والكـل منـا يفتخـر فيـه ضيفـه يا مزنةٍ غـرّا مـن الوسـم مبـدار=اللـي جذبنـي مـن بعيـدٍ رفيـفـه هلت مـن القبلـه هماليـل الأمطـار=من سيلها الـوادي غدالـه وحيفـه تمطر من الهدرا اليـا خشـم سنـار=وتسقـي ديـار محقبـه والحتيفـه وتضفي على كل المفالـي والاقطـار=وتصبح بها خـدان ربعـي مريفـه عقب الحيا فاحت بها ريـح الازهـار=وتعاقـب النـوار مثـل القطيـفـه وترعا بها الغرا وتبنـي لهـا طـار=عقب الضعف راحـت ردوم منيفـه اذوادنـا مايرتعـن دمـنـة الــدار=ولا يرعـن الا بالفيـاض النظيفـه يرعـن بعبـدالله وجبـر ٍ وجـبـار=خيالـة يــوم المـلاقـا عنيـفـه ترعى بها الوضحا من الذود معطـار=غبوقـة الخطـار عجـلٍ عطيـفـه يبنـي عليهـا بنيـة اللُّبْـن لجـدار=عقب الضعف راحـت ردومٍ منيفـه اذوادنا يرعـن بنـا سـر وجهـار=من دونهن نروي الغلـب والرديفـه ترعى بضف الغوش بقصاف الاعمار=تقطف زهر مرباعهـا مـع مصيفـه ما هي سوالف مسرد ٍ عقب ما نـار=اللي هرب واطـراف رمحـه نظيفـه إن سوهجوا عنها قليليـن الابصـار=من دونها نروي السيـوف الرهيفـه ان سوهجوا عنها معاميس الابصـار=حنـا نـرد اللـي يبيـهـا نكيـفـه خطو الولد مثل البليهـي اليـا ثـار=زود ٍ على حمله نقـل حمـل أليفـه بشدا هديب الشـام شيّـال الاقطـار=واليـا كبـر حملـه تـزاود زفيفـه وخطو الولد مثل النداوي اليـا طـار=صيده من الجزلات ماهـي ضعيفـه ترجي العشا من مخلبه وقـع وطيـار=حسه على صيد الخـلا لـه وحيفـه وخطو الولد يصبر على موتة النـار=صفـر علـى عـود تضبـه كتيفـه وخطو الولد يامال قصـاف الاعمـار=لانافـع ٍ نفسـه ولا منـه خيـفـه ورجل ٍ بلا ربعه على الغبـن صبـار=يمنى بـلا يسـرى تراهـا ضعيفـه واليا بخصته ماسـوى ربـع دينـار=مع العـرب يشبـه خطـاة الهديفـه حنا فريـق ولا نغبـي سنـا النـار=مـا ننـزل الا بالديـار المخيـفـه ودار ٍ به الحقـران ماهـي لنـا دار=حتيش لو صـارت خصـاب مريفـه وحنا لك الله مـن بعيديـن الاخبـار=والنفس ما نلحـق هواهـا حسيفـه حلويـن للصاحـب وللخصـم قهـار=وعدونـا لـو هـو بعيـد نخيـفـه حنا كما المشخص عن الصرف ما بار=بالوزن يرجـح والمصـاري خفيفـه وتلقـى منازلنـا رفيعـات واخيـار=والرجل عن دوس القصايـر حفيفـه لابد مـا نسجلهـا تواريـخ واذكـار=وتبقى لدسميـن الشـوارب وظيفـه الا ومـع ذلـك لـك الله لنـا كـار=عن جارنـا ماقـط نخفـي الطريفـه نرفا خمال الجار لو هـو بنـا بـار=ونضحك حجاجـه بالعلـوم اللطيفـه ولا نبدي الخافي لاصـار مـا صـار=وندمح خمال الجار لـو بـان حيفـه ونرفا خمالـه رفيـه العـش بالغـار=ونودع له النفـس القويـه ضعيفـه والجار له قيمـة وحشمـة واعتبـار=وجارتنـا عـن كـل عايـز عفيفـه ما زارهن من يبغـي الحيـف زوار=الا ولا عنهـن نــدس الغريـفـه نبيـه إليـا بـدل الــدار بـديـار=وكـل بجيرانـه يـعـد الوصيـفـه نكرم سبال الضيـف حـقٍ وتعْبـار=لا من ولـد العفـن شـح برغيفـه أحد ٍ علـى جـاره بختـري ونـوار=و احدٍ على جـاره صفـاتٍ محيفـه وصلاة ربي عد ماخضـر الاشجـار=على الرسول اللي علومـه شريفـه [/poem] |
رد: قصيدة محمد النجدي ((الشيخه))
[align=center]للشاعر محمد بن مقحم بن فالح النجدي الصقري العنزي[/align]
|
رد: قصيدة محمد النجدي ((الشيخه))
صـــــ لسانك ــــــح ولسان الشاعر
أشكرك أبو عبدالله2000 على قصيدة الشاعر الكبير محمد بن مقحم الصقري رحمه الله .... دمت بوِد فارس عنزة |
رد: قصيدة محمد النجدي ((الشيخه))
اقتباس:
|
رد: قصيدة محمد النجدي ((الشيخه))
[align=center]
اقتباس:
مشكوووووور والله يعطيف الف عافيه[/align] |
رد: قصيدة محمد النجدي ((الشيخه))
[align=center]فدا عنزه
مشكوووووووووور والله يعطيك العافيه[/align] |
رد: قصيدة محمد النجدي ((الشيخه))
[align=center][glow=0000CC]الف الف شكر
لك أخوي أبو عبدالله والله يعطيك العافيه على هذا الأختيار الرائع تحياتي لك [/glow][/align] |
رد: قصيدة محمد النجدي ((الشيخه))
[align=center]مشكور بنت ابوها
بارك الله فيك يشرفني مرورك[/align] |
رد: قصيدة محمد النجدي ((الشيخه))
[align=center][all1=FF9999]صـــــ لسانك ــــــح ولسان الشاعر
والف شكر لك أخوي أبو عبدالله والله يعطيك العافيه مجهود تشكر عليه تسلم على هذا الأختيار الرائع تقبل تحياتي وتقديري ؛؛؛[/all1][/align] |
رد: قصيدة محمد النجدي ((الشيخه))
اقتباس:
|
الساعة الآن 07:46 AM. |
Powered by vBulletin® Version 3.8.8
Copyright ©2000 - 2024, vBulletin Solutions, Inc.