منتديات الويلان - النجم...... رائعة من روائع النجم مطلق النومسي

منتديات الويلان (http://www.al-welan.com/vb/index.php)

- منتدى الشعر المنقول (http://www.al-welan.com/vb/forumdisplay.php?f=42)

- - النجم...... رائعة من روائع النجم مطلق النومسي (http://www.al-welan.com/vb/showthread.php?t=7791)

النجم...... رائعة من روائع النجم مطلق النومسي

[poem=font="Simplified Arabic,5,white,normal,normal" bkcolor="transparent" bkimage="backgrounds/10.gif" border="double,4,gray" type=1 line=0 align=center use=ex num="0,black"]

مع سكون الليل وأصوات الرعود وسع بٍٍالـي=جالـسً بالمجلـس اللـي عطرتـه الشاذليـة
جالس والبـال دالـه لا جنـوب ولا شمالـي=مختلـي وأقـرأ حكايـات العصـور الأوليـة
وأتكيف لا بغيت الكيف مـن صفـر الدلالـي=وأتخير ماعجبنـي مـن أعـذوق السكريـة
ليل غيث وليل خير وليـل مركـوز الخيالـي=عقربيه تنتهـي ولا أنتهـت جـت عقربيـة
وبعد ماكف المطر شاهدت لـي نـور يلالـي=فرق آطراف المزون وطارت العيـن الشقيـة
وأقترب مني وأنـا أراعيـه وأجـود عقالـي=من أخبالـي يـوم قـرب اعتـزي بالوايليـة
هي شجاعه هي رخامه ماقدرت أقرأ سؤالـي=المهم أني أشوف الموت أقـرب مـن أيديـة
قال بسم الله عليـك وهـد روحـك ياحلالـي=ماقصدتـك بالهـلاك ولا نويتـك بـالأذيـة
حاول أنك تفتكرنـي واذكـر العهـد المثالـي=حول ست سنين يمكن أو بعـد أكثـر شويـة
يوم ترسلني لخلك يـوم أنـا أمـرك لحالـي=يوم أنا أطلبك وصفه وأنـت زعـلان عليـة
يمكن أن الوقت غير شي في شكلـي وحالـي=ذاك أنا النجم الذي وصيتـه بأغلـى وصيـة
وقمت أحد الشوف فيه وطاب فكري وستوالي=وصحت بأعلى الصوت أرحب ياهلا يالله حية
كيف حالك ياعسـاك بخيـر يانجـم الليالـي=أقدع وخذلـك مـن الفنجـال مـزاتٍ هنيـة
وعطني علومك عسى وصلت غالي عند غالي=طالبك يانجـم قلـي كيـف حـال الغشمريـة
هي تبي قربي أو أن البعد فـوق الأحتمالـي=أو مثل ماهي علـى خبـري لرفقتنـا وفيـة
قال أبشـرك بسلامـه بيـن عـم وبين خالـي=ولا تبي غير أنت من بد الصنـوف الأدميـة
وتنشد الأيام عنك ومخطـر فيهـا الهبالـي=وصورتك معها وتبكـي بالصبـاح والمسيـة
وتحلف أنك غير ترجع كـل ماهـل الهلالـي=وأن حبـك ممتلكهـا دامهـا بـالأرض حيـة
وضحكها كان أضحكت مصدرها الأيام الخوالي=يوم تضحك قدم وجهك ضحكـت الطفـل البريـة
وأذكر أني قبل أجيـك وقبـل لاأشـد الرحالـي=أمسكتني وأشهقت شهقة من الداخـل قويـة
قالت أرفق في حبيبي جعل مال النجـم والـي=طالبـك أكـذب عليـه ولا تحـده للخطـيـة
بس أنا بعلمك بالعلـم وأبعـد عـن جدالـي=زوجوها غصب وأغراء عمهـا زود العطية
بس تكفى لا تكمـل وش بقالـي وش بقالـي=ليتني قبـل لا سمـع هالخبـر ذقـت المنيـة[/poem]