قصيتين للشاعر/متعب التركي,قبل,,وبعد
[frame="1 80"][align=center]بسم الله الرحمن الرحيم
السلام عليكم ورحمة الله وبركاته اليوم سوف انقل لكم قصيدتان للشاعر متعب التركي ، الأولى قبل التوبة ، والثانية بعدها اسأل الله أن يثبته على الحق القصيدة الأولى غزليه قالوا حبيبك يسمع الشعر قلت إيـه *** يقـراه بعيونـي قبـل تسمعـونـه لولاه حتى طـاري الشعـر مابيـه *** مير اكتبه من شان خاطـر عيونـه هو روح شعري وامنياته وماضيـه *** جذع الشجر وش كان لولا غصونـه اكتب لغيره والقصايـد تجـي فيـه *** كـن القصايـد حالفـه ماتخـونـه هذاك لامنـة زعـل قمـت اهاديـه *** حتى وهو مخطـي تعـذرت دونـه يمكن لو انه يلمس الجـرح بيديـه *** يستغرب ان اللـي لمسهـا طعونـه ابطى وهو غايـب وزلـت حواريـه *** وانا مـن العـام اتحـرى مزونـه هو مادرى اني في غيابـه محاتيـه *** ليته نشد عن حالـي اللـي يجونـه وقلبي اللـي تـوه افلـت عراويـه *** كيف انسرق وضلوع صدري حصونه عجـزت ارده كـن مانـي براعيـه *** يوم انتثر شوقه وهاضـت شجونـه يبسن عروقـه لكـن اللـي يعزيـه *** ان اكثـر العالـم تـردد لحـونـه خافوا مـن الله لاتجيبـون طاريـه *** لاصـرت انـا موجـود لاتذكرونـه لو كـل غالـي جابـه الله لغاليـه *** ماشفت لك مخلوق تبكـي عيونـه لولاه حتى طاري الشعـر مابيـه *** مير اكتبه من شان خاطر عيونـه هو روح شعري وامنياته وماضيه *** جذع الشجر وش كان لولا غصونه اكتب لغيره والقصايد تجـي فيـه *** كـن القصايـد حالفـه ماتخونـه القصيده الثانيه وعظيه بعد التوبه الموت هين والبلا وش ورا الموت *** عند الحساب يهون سهم المنايا باكر نموت وتصبح قبورنا بيوت *** وعقب القصور بضيقات الزوايا فجوف الارض وكل من حولك سكوت *** وتعاقبن بالقبر عوج الحنايا يا رب يا منجي نبيك من الحوت *** سترك وعفوك يوم كشف الخفايا باكر اليا جينا على داعي الصوت *** شيبان واطفال وشباب وصبايا ندعي وحنا بين باكي ومبهوت *** ورحنا لها ننقاد مثل السبايا يا رب تهديني قبل لحظة الموت *** وتغفر ذنوبي يا كريم العطايا أشكيك هم داخل الصدر مكبوت *** وأيامي الي بالخطايا ملايا ان لاذ بك من كان طايع ومبخوت *** في من يلوذ المرتكب للخطايا يا رب يا قادر على كل طاغوت *** لا ياقف الي وحدوا بك خزايا رحماك لا منا صحينا من الموت *** واليا وقفنا عند بابك عرايا[/align][/frame] |
رد: قصيتين للشاعر/متعب التركي,قبل,,وبعد
[align=center]صح لسانك ولسان الشاعر
تسلم أخوي حسين ونسأل الله أن تقبل توبته ويثبته كل الشكر لك أخوي تقبل تحياتي [/align] |
رد: قصيتين للشاعر/متعب التركي,قبل,,وبعد
[align=center]صح لسانك ولسان الشاعر
مشكور يالغالي والله يعطيك العافية لك تحياتي[/align] |
رد: قصيتين للشاعر/متعب التركي,قبل,,وبعد
[align=center][align=center]صح لسانك ولسان الشاعر
تسلم الايادي أخوي حسين الهوران ونسأل الله أن تقبل توبته ويثبته كل الشكر لك [/align][/align] |
رد: قصيتين للشاعر/متعب التركي,قبل,,وبعد
[align=center]صح لسانك ولسان الشاعرمتعب التركي
تسلم أخوي حسين الهوران على هذا النقل الموفق كل الشكر لك[/align] |
رد: قصيتين للشاعر/متعب التركي,قبل,,وبعد
[align=center]صح لسانك وعلاشانك
دمتِ ودام هذا القلم الرائع،،[/align] [align=center]اختك ضامية الشوق[/align] |
رد: قصيتين للشاعر/متعب التركي,قبل,,وبعد
[align=center]صح لسانك ولسان الشاعر
تسلم أخوي حسين ونسأل الله أن تقبل توبته ويثبته[/align] |
رد: قصيتين للشاعر/متعب التركي,قبل,,وبعد
[align=center]صح السانك اخوي حسين والسان الشاعر
الله يثبته على الطاعه ويثبتنا جميع[/align] |
الساعة الآن 06:01 AM. |
Powered by vBulletin® Version 3.8.8
Copyright ©2000 - 2024, vBulletin Solutions, Inc.