[align=center][frame="10 70"][align=center]أسمع وصاتي وفهم العلم ياأديب......رافق عديم العيـب فكـاك الأنشـاب
ضلك الياهبت سموم اللواهيب......سيفـا علـى يمنـاك يقـص الأرقـاب
وأبعد عن اللي يشذبون العراقيب.....أفواههم بالشين تطعـن بـلا حـراب
ياسعون للشيطان دايـم مناجيب......أرجالهـم بالعـرض يطعـن ويغتـاب
مابين ذاك وذاك جلاب ويجيب......غادي بخت لبليـس ساعـي ونجـاب
لا تستمع لنـاس عـوج الأساليب......تـرا بهـم واش وحاسـد وكـذاب
وناسا تحارب كاملين المواجيب.....عنـد الشـرف تلقـا مناقيـد وعتـاب
أعنز على رباً وسيع المطاليب......هـو الـذي لـرزق كافـل وجـلاب
وأضرب علىدرب المعزه عن العيب...ورزقك على وال القدر فاتح الباب
دنياك مادامت لبا زيد وكليب ......ولا عنتر المشهـور والزيـر وذيـاب
ينبيك عن دنياك ماض التجاريب.....أسئل مجرب والحـوادث لهـا كتـاب
لابد ماتسقيك كـدر المشاريب.......دنيـا تفـرق بيـن صافيـن الأحبـاب
يا جاهلا دنياك مابـه تكاذيب........كـم خيـرا تقطعـت فيـه الأسبـاب
دنياك يالمغرور ترميك وتصيب.......وأفطن ترى مادون صفقاتها أحجـاب
دنيا على المخلوق فيهـا تقاليـب....لا بـد ماتكسبـك لـو كنـت كسـاب
غدارتها لفاتها تفجـع الجيب.......يامـا وطـت قبلـك عريبيـن الأنسـاب
ماكنهم ركبو علـى كنسـا شيب...غـارت عليهـم وقضعتهـم بالأنيـاب
أيام يضحك لك زمانـك تعاجيب.....وأيـام يدوسـك زمانـك بالأعقـاب
وأيـام يغلبنـا ويومـا مغاليـب.......لا تامـن الأيـام والدهـر غـلاب
أمش الطريق الزين ممشا هل الطيب...المرجله مبداك وأضرب لهاحسـاب
طرق المراجل يالسنافي متاعيب.......عسره مراقيهـا تعيبـات وصعـاب
الحر يشرف نايفات المرقيب...........والبوم مايذكر علـى راس مرقـاب
الحر مايشبه طيور الغرابيب...........الحر حر وماكـر الحـر مايعـاب
وطير السعد مايلقابه عذاريب........كلا علـى مربـاه والأصـل جـذاب
الطيب لهل الطيب ساس ومجاذيب....الا ولا عش الرخـم يجـذب عقـاب
والثعلبي مايشبه النمر والذيب.........ولا كل رمايا يـرز الهـدف صـاب
وصلو على المختار نور الأصاحيب ......المصطفى الأمين آله والأصحاب


------------------------------------------------------------------

الشاعر المرحوم الاسمر الجويعان العنزي اسند لشيخ المرحوم سالم بن عيد بن حرب شيخ مشايخ بني عطيه هذه القصيده يطلب منه الجاهه ولاقصر بن حرب بذل كل جهده حتى حصل على طلب الاسمر الجويعان والطلب هو زواج وقام الشيخ وانهى موضوعه وبهذه المناسبه قال الاسمر بالشكر والثنى على بن حرب وقال
-------------------------------------------------





تعيش ياسالم عزيزا يابن حرب*** عزالله انك من اجمال الصخاني
يابن الذي يفتح لهم مغلق الــدرب***زمل التخوت اليابرك كل واني
زبن الدخيل المتهم والرشاء كـرب***بوجيهكم خيم عليه الاماني
وان حل بطراف الجهامه وحم ضرب***حمي الوطيس وداير الحرب شاني
والسيف شرع بالحمر يشربه شــرب***خيالكم يروي شبات السناني
الخيل تنهج شردا مرجا هـــرب***نعمن بكم ياطيبين العواني
جيرانكم ماعدهم عندكم غرب***هرجا صحيح وماضيله زماني
لاشك مانجحد ثنا مهزم السرب***بالحال منكم باالقساء والياني
يمشون طول الراس وقلوبهم طـرب***ماينسمع رجلا يقول الفلاني
خويكم ضرغام مايسكن الــزرب***يسكن بغابات المسابع بماني
ذباحتا لضان والفطرالعـرب***تذكر ذبايحكم اجزالا اسماني
الطيب لهل الطيب ساسلهم قـرب***مايدرك الطولات رجلا اهداني
الطيب شطر الحد ومثعلقـــه ذرب***مايدرمه قص القفاء باللساني
والا الردي عن السنع لايـذا ورب***لاهنت يانسل الاصيل الحصاني
حلياك حرا بالهدد يذبح الخرب***عليك وصفه ياسهيل اليماني

------------------------------------------



هذا رد والدي الشيخ سالم بن عيد بن حرب (رحمه الله) على الشاعر الاسمر الجويعان العنزي (رحمه الله)




لبيك يا نسل الربـوع المواريـد** ياللي بعالي الصوت ليـه تنـادي
لحاجتك ياللـي تفـك المعاويـد ** محضرا جمسـي ومايـه وزادي
ومجندا نفسـي لخدمتـك تجنيـد **بالجاه واللـي نملكـه بالايـادي
رهن الاشارة لك على كل ما تريد **بأموالنا والنفـس دونـك نفـادي
والله من شانك لـزور الاجاويـد **وابذل بجالك حيلتـي واجتهـادي
ساعه نسند اللازمة عندنـا عيـد **للي بهم طيـب وفعـل سـدادي
يا مقلط بيـض الـدلال البغاديـد **وبها رهن هندي ويخلطه زبـادي
ان كان حدك دون خلك حواسيـد **الله جعل للحسـد حـد وبيـادي
وان كان تشكي دونها البعد والبيد **البعد تطويه الجمـوس الجـدادي
الى نويت الدرب عطني مواعيـد **واتيك ياطير السعـد والهـدادي
وصلاة ربي عد وبل الرواعيـد **على رسول صار للحـق هـادي




قصيدة لشاعر أعنزة الكبير / الأسمربن خلف الجويعان من القراوعه من الجعافره من أعنزة رحمة الله (في وصف الخيل)



يــــوم أتــذكــر بالـعــصـور الـقــديـمات.....وأسـمـع رواة يـذكـرون القـبايل
تــذكــرعـــلـــوم شامـخـــــات جـزيـلات.....كـود الـسـولـف باقـيـات سمايـل
يـســوقـنــي شـوق لــهــا كــل الاوقات.....وأطرب لها لوكان ماضي وزايـل
لـوكــان فـيــها لـلـعـرب شـــــن غارات.....ومشـاحـنـات بـيـن صـايل وجايـل
يـاصــــوت الـغــزاي وادلــى بـلا صوات.....مــد الـعــقــيــد وحـضـبــوه الاوايل
تـتـلـيـه دكــــلات الـسـبــايـا الــرزينات.....واقـفـا يـدور معـبـسـات الـشـمايل
غـــــاروا عـلى وضـــح تــلالا لـهـيـقات.....حـالـوا عـلـيهـن كاسـبـيـن النفـايل
وصاح المــصــيح فـــوق ناب الطويلات.....الـبــل خــذوهـا مقـحـميـن الـدبايـل
لـحـقـوا هــل الـبــل طالـبـيــن المثارات.....الـمعـتـزيــن بـنـاقــضـات الـجـدايل
لحقـوا عـلى قـــب مــن الخــيل عجلات.....لـحـقـت بـكــل مـجــرب لــه فـعايل
الـمـوت عـنـد قطــيهــن لـــه عـلامـات.....كـم فـارس مـن فـوق سـرجه تمايل
حمي الوطيس وصار للسيف صرخات.....تــلاحــمــت بـــه صــافنات الاصايل
المــكـرمـات الـضــابــحـات الاصــيلات.....مـســومـات هــاجـــمــات ثــقــايل
الــقـادحـات الـمـســرعــات الـثقـيلات.....الــهــاذبــات بالغـضـــب والـغـلايـل
الـعـاديـات الـصـافـنــات الـرهيـبـات.....الـواثــبــات الـمـشــهــرات الـسـلايـل
الـمـرهـمـات الـقـاحـمـات السريعات......الـراجـفــات الـلاحـقــات الـعـجـايـل
الـجـادفـات الـصـاهــلات الخـطيـرات......الـجـامـحـات الـشـاحـنـات الـهـوايل
عـلـيـهــن الـلـي يـدحـمـون الـمـهمـات.....مـتـوشـحـيـنـاً بـالسـيـــوف الصقـايل
تـلاحــمــوا بـمـصـقـلات شـطـيــــرات.....قطـف النفـوس وصـاخــن الـدم سـايل
الـمـدرعـيــن الـشـاهـريـن الصقـيلات.....الـقـاتـلـيــن ومــرمــلـيــن الـحــــلايـل
ياما أرملوا من جـادل زوجـهـا مـات.....بـسـيـوفـهـم طـشـــوه حــدر الـنـثـايل
يالمستمع عصر مـضا وانـقـضا فـات.....جـيــلــه رحـــل والــجــيـل هـذا نزايل
عنهم سئلت وقيل تحت الثرى أمـوات.....وحـنـا بـثــرهــم سـائـقــيــن الرحايل
دنياك يالمخـلـوق تـجـريـبهـا أفــات.....دنــيـاك هــــذي بـيــن عـــدل ومـايـل
لــو أقـبـلـت دنـيـاك تـجـزيك باقفات.....أقـفـت بـفـارس عبـس وكـليـب وائل
ويـن الاصيل الـلـي حـكـم بالمساوات.....كــلا شـهــد لــه بالـفـعــول الجـزايــل
عــبـــدالـعــزيــز مــكون المستحيلات.....يا ما قهـر بالـسـيـف مـن كـان عايل
لـيـث يـدش فـجـوج غـاب مـخـيـفات.....كــم حــاكــم مـن سـطـوته راح شايل
عـوجـا الـيـا ردوا لـنـصــب الرهيفات.....صارت عــلى ذولاك عــــوج سـحايـل
الـسـيـف يـشـهــد والـقــلم والـسجلات.....هــذا الـصـحـيـح الـلـي ذكرته صمايل
العز لاهـــل الـعـز ســاس وعــــادات.....يـنـسـخ بـسـطـرات الـورق بالـسجايل
الـلـه جـعـل لـلـنــاس طــرق فضـيلات.....طــرق تـنانــي عــاشـقــيـن الـفضائل
درب الـمـعــزة لـلـنـفـوس الـعـزيـزات.....مـاتـقــبـلــه نـفــس تـــروم الـهـــزايل

*******************


وسلامتكم[/align][/frame][/align]

__________________