غــــــلاء المـعـيــشــــــــه
[align=center]
قصيدة .. غــــــلاء المـعـيــشــــــــه .. للشاعر : صالح الحمادي ..
________________________________________
[/align]
[poem=font="Simplified Arabic,5,darkblue,bold,normal" bkcolor="transparent" bkimage="backgrounds/1.gif" border="double,5,darkred" type=0 line=0 align=center use=ex num="0,black"]
.. غلاء المعيشه ..
[poem=font="Simplified Arabic,6,darkblue,normal,normal" bkcolor="transparent" bkimage="backgrounds/1.gif" border="groove,4,darkred" type=0 line=0 align=center use=ex num="0,black"]
يوم الخميس الصبح مع طلعت الشمس = رحت اتقضى لي من السوق حاجات
صادفت فيه شويب حالته يأس = جسمه نحيل وداخل العين عبرات
جيت ولقيته يصفق الخمس بالخمس = همست له ياعم وشبك سلامات
قام وتنهت والعنا حامسه حمس = واصبح يسولف لي عن أمر المعانات
يقول انا اتردد على السوق من أمس = لامن نويت أشري قصرني قريشات
مادامني مؤمن وأنا أصلي الخمس = ادري ان رزقي عند رب السماوات
لكن ابهمس في إذينتك لي همس = مشكلتي الصعبه غلاء المعيشات
والحظ عن دربي تقل صايبه عمس = والمشكله بالبيت تسعة بنيات
قلبي عليهن دايم الدوم محتس = ودي براحتهن ويبقن ستيرات
قدام عيني يلبسن أحسن اللبس = نسكن بمنزلنا وننسى الأجارات
واشوفهن عرسان لو المهر فلس = يبقن بوسط بيوتهن مستقرات
جعلي أعيش بشوفهن طيب النفس = وارتاح في موتي ويبقن عفيفات
ذي منيتي بس السبب قلة الفلس = مع المعيشه كل يوم زيادات
والتاجر اللي بالمعانات ماحس = همه يزود مربحه بالمغالات
بس الأمل في خالق الجن والانس = اللي طمن سنع وسبع رفيعات
في ظل أبو متعب ذرانا عن الشمس = يزيح عنا هالبلاوي المطمات [/poem]
[/poem]
|