تراهـا كـل يـوم تصيـر
[align=center]
دقايق بس من فضلك بلا مجهر بـلا تكبيـر
نبي نَسعاله لو نقدر نصد الجـوع وإجحافـه
تأمل شوف بعيونك وفسـر عيشـة التحقيـر
( فقير أكثر من اللازم ) يموت الموت لا شافه
نشوف بعيننا العميا تعودنـا علـى التزويـر
ضماير كنهـا ماتـت قلـوب تشبـه الآفـه
على خد العطش سالت دموعٍ ترفض التخديـر
رغيف الخبز من أجله بكى واهتزت أطرافـه
تصدق يشرب أوجاعه و يتمنى بقايا شعيـر
ويتعشـى ألـم ليلـه ثيـاب الهـم بأكتافـه
من كفوف العطش يشرب ولا يرويه بالتقطير
نسى شكل الرغيف اللي حلم به يوم ما عافـه
تصدق قيده جوعه يناجـي لقمـة التحريـر
توسل علهـا تقـدر تفـك الجـوع وخلافـه
تمضمضه الأسى بفمه بلا رحمـة ولا تقديـر
رسمه بلوحة سـودا تفنـن حيـل بأوصافـه
تخيل نومة الضامي توسد في جفـاف البيـر
تغطى يحلـم بلقمـة كسـاه الجـوع بلحافـه
تخيل آه وتخيـل تراهـا كـل يـوم تصيـر
فقير يموت من جوعه كسر ظهره ومجدافـه
تعال وصور آلامه عشقنـا مهنـة التصويـر
أمانة صور الواقـع أبلعـن سابـع أسلافـه
منقوله تحياتي لكم[/align]
__________________
والله لو ان اللي يبي منك يعذرك=ماجيك متعني وانا باخن الحال
لكن ظروف الوقت احيان تجبرك=تحتاج حرمة وانت لك الف رجال
|