رد: شايب الويلان :)
ياطير الويلان خذ نصيحة صحيبك (
) تقريب خمس أبيات جملة وترتيب
ياشايب الويلان ياكثر شيبك (
) قلبك شباب وراسك أبيض من الشيب
قام يتبين للمزايين عيبك (
) لو أنت وافي حجاج مابك عذاريب
عيبك كبر سنك معرقل نصيبك (
) مايقبلنك لو نفضت الرعابيب
واللي صغير سنها وش تبيبك (
) تبي ولد مزيون وأنت تقل ذيب
الله يخليلك رضيعة نسيبك (
) اللي ترحبك ليا جيت ترحيب
طع شورها وأحفظ فلوسك بجيبك (
) وش لك بناس ( ن ) تمحنك بالمطاليب
يفرض عليك شروط من غير طيبك (
) ويعذبونك بالطلبات تعذيب
وليا أنتهيت وسلمولك حبيبك (
) وتم الفرح وأستقبلوك المعازيب
شد الرحل يالعود والله يثيبك (
) وأكبر خسارة كانة دنق الهيب
يومين والثالث يسرب سريبك (
) وتقوم كرعانك تطق العراقيب
عود على المركى القديم وقليبك (
) عساك تقنع عقب فتل الآشانيب
وأن كان ماطاوعت ماني طبيبك (
) قبلك ترى بصري جرالة عواقيب
__________________
عندما يمتلكنا شبح الحب ....... عندها نفقد الآمان .... ونفقد أحساسنا بالزمان ........ وتضيع هويتنا بذلك المكان
|