[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

يامل قلبن كل ماهود الليل = قامت هواجيس الضماير تهشه
هش الجموس مزودات المحاميل = اللي عليها عالمن مستغشه
يضربها العدله ويضربها الميل =والدرب لو انه عكاش تدشه
على هنوف حبها زود الكيل = وحول على معلوق قلبي وحشه
وجيت الطبيب وقال سو التحاليل = وصارت نتايجها من الحب غشه
قلت آه يادكتور مابغى تهاويل = قال أنت قلبك راح للحب عشه
مار أنت دور ناقش الخد بالليل =وليالقيته طق بابه ودشه
واطلب منه طب الكبود االمعاليل =وليا رفض بيديك تله ونشه
قلت الحكم دستور مافيه تغيير = واللي يتل الزين راسه يحشه
ولو الشريعه تقبل الحط والشيل= وقفت عند الزين واشتلت قشه
الشاعر مجهوللللللللللللللل[/poem]