[poem=font="Simplified Arabic,6,white,bold,normal" bkcolor="royalblue" bkimage="" border="none,4,gray" type=2 line=1 align=center use=ex num="0,black"]
ياصدري اللـي نجضتـه اللواهيـب=وانا بعيـن النـاس مابـي خلافـي
اغيب واصحي واصحي وخايف اغيب=لـي غيبـةٍ ماخاتمتهـا عـوافـي
تماكنتنـي كنهـا مخلـب الـذيـب=عوج السنيـن اللـي تبـذ العوافـي
قامت تميـح بـي بليـا مقاضيـب
ياما ظهر بي مـن بـلاي اختلافـي =ياعنك مامخلوق يدري عـن الغيـب
الغيب عـن كـل المخاليـق خافـي
البارحـه قامـت تفـر الدوالـيـب=من طعنـة الونـه لقـرح القوافـي
تهيض الجـرح لونيـن التجاريـب=ياكثـر شيـنٍ بالحشـى مايشافـي
اشـوف بعيـون الليالـي دغاليـب=وانـا لهـا قلبـي نقـل ود صافـي
مع حثلها سـرًب زمـان الحثاريـب=شين من اسبابـه تضيـق الفيافـي
الطيب ياللي تنشدوني عـن الطيـب=اتلـى دروبـه ضيعتـه السـوافـي
الطيب ضيفٍ مالقـى لـه معازيـب=ماتوا رجال الطيب والمـوت كافـي


[/poem]