قصيدة مؤثرة للشاعر (عايد الضافي)رحمه الله
[frame="1 80"] السلام عليكم ورحمة الله وبركاته
أقدم لكم قصيدة للشاعر الكبير عايد الضافي الجعفري رجمه الله ......حيث يقول
حلمـت ليّـه حلـم ياشيـخ عمـار=ومن حلمتي له صار بالقلـب تأثيـر
حلـمٍ سرابـي تالـي الليـل لديـار=وأصبحت عن هالدار في ديرةٍ غيـر
مع وسط ناسٍ مالهم غيـر الأذكـار=غابوا عـن الدنيـا وجونـا مساييـر
من غير حروه جونا الأخيـار زوار=وقامت هلاهيـل الفـرح والتباشيـر
أفترت المكره علـى مـاض الادوار=على زمانٍ يوم أنـا شـبّ وصغيـر
أحيّا آمـالاً كاذبـه يأبـن الأخيـار=حلمٍ يصوّر لي هاك الوقت تصويـر
شفت السلف فاتوا على جيش وامهـار=وشفت الضعون المقفيـه والغناديـر
ويوم أختفوا طلعت بـرا عـن الـدار=فزيـت أبرقـا نايفـات العناقـيـر
الياآني بحوش وبين بابيـن وجـدار=مامن سلف حولي ولامـن مظاهيـر
احلام ليلٍ مـن هواجيـس الأفكـار=سوّن بلقبي فـي منامـي مصاخيـر
طرى عليّه سجـةٍ عقـب الأمطـار=بدفّـاق هملـول المـزون المباديـر
ياما حلى صوت أم سالـم بالأقفـار=والجو هادي مابروضـه معاصيـر
مستانسيـن بصوتهـا وسـط نـوّار=نسمع غناها طلعت الشمس واعصيـر
والديك مانوحيـه يلعـي ورا الـدار=وباليل مانسمـع رجيـف المواطيـر
ياغير عوي الذيب أو حنّـة احـوار=وصوت النجور اللي تجيب المساييـر
اليا أنتهى المربـاع وردوا للأبيـار=وكلٍ لذوده جر حوضه علـى البيـر
يازين شوف اضعونهم هـاك الأدوار=وشوف النزول اللي على الماء مقاطير
يوم الشباب ويـوم لفتـات الأنظـار=لبيض الخدود اللي عليهـن دواويـر
وابكرتـي تقطعـت عنهـا الأخبـار=وأفخت حروة وردهـا والمصاديـر
نشـدت عنهـا كـل طـارش ودوّار=وأيست ماجابـوا خبرهـا المداويـر
يوم العوارض سود والشيب ماصـار=نلقى عوضها مـع طيـاح المغاتيـر
وجنّا سنيـنٍ ماعرفنـا لهـن كـار=وراحن علينا مـن كبـار المخاسيـر
حضارةٍ عمّت علـى كـل الأقطـار=بسلمٍ جديـد اليـوم وسلومنـا غيـر
لقيـت نـاسٍ ماتبـي شبـت النـار=وقلت السبب؟ قالوا حضارة وتطويـر
والنجر مـال لدنتـه عندهـم كـار=عدّه وحي سطـلٍ يدهديـه معصيـر
ولو جيت تدعيهم على بـنّ وابهـار=أعطوك من عـذر السكانـه معاذيـر
من خوف " لايفوتهـم" فلـم غـوّار=وأفـلام كرتـون ووراهـا فوازيـر
(الجعفري الغريب)[/frame]
|