لا قلت وشلونك
السلام عليكم ورحمة الله وبركاته
انا لاقلت لي شلونك وانا ضايق اقول بخير
مدامك سائلٍ عني اكيد ان ضيقتي راحت
انا من كثر ماحبك اشوفك في عيوني غير
تضيق النفس من غيرك ولامن شفتك ارتاحت
احبك كثر .. ماتطري فـ بالي وتشغل التفكير
كـثـر .. مـاشـيـلـك بعيني وناسٍ منها طاحت
احبك كثر .. ما ادمح خطاك ان خانك التعبير
كثر .. ماخانت الرفقه بكتم اسرارها وباحت
احـبـك كـثـر .. صـقـارٍ تـولـع فـي مـحـبـة طير
كـثـر .. مـادلـة الـطـيـّب بـريـحـة هـيـلها فاحت
احـبـك كـثـر .. مـاحـس بشعور اني عليك اغير
كثر .. مازيح هالغيره عن افكاري ولا انزاحت
احـبـك كـثـر .. مـالك داخـلـي حـب وغـلا وتـقـديـر
كثر .. ماغبت عن عيني ودموع امفارقك ساحت
تصدق !! من عرفتك صرت احبك .. واكره التغيير
وانـا اللـي كـنـت اعـشـق كـل نجمه بالسما لاحت
تـأكـد كـل مـاتـسـئـل عـن حـوالـي اكـون بـخـيـر
مـدامـك سـائـلٍ عـنـي اكـيـد ان ضـيـقـتـي راحـت
__________________
|