[align=center]العمر رحله والفعايل محاصيـل
والمجد صيت والمراجل وسيلـه
والعز بيدين الرجـال المشاكيـل
ذخر الزمن لاصار بالوقت ميلـه
أنا عنزي وافخر على باقي الجيل
الوايلي به أعتزي وانتخـي لـه
حماية المظهور ركابـة الخيـل
ستر الخوي والجار منجي دخيله
مدلهين الضيف أهـل التعاليـل
رمز السخا يوم المكـارم قليلـه
أهل الدلال الصفر والبن والهيـل
طيب وكرم كل العلوم الأصيلـه
أمجادنا أشهر من النجم وسهيـل
نجومنا في كل صبح(ن) وليلـه
صغيرنا يكفي ملاييـن حلحيـل
ورجالنا يسـوى لحالـه قبيلـه [/align]

__________________
مبداي ثابت لو عصت كل الأيام
لا ما تغيرني ظـروف الليالـي

الصبر درعي والنوايا لي حزام
الربح نفسي وطيبتي راس مالي