خطو الولد ياهنوه عاله على ابـوه
ابرك لك الله مـن شبابـه خواتـه
اللي اليا من مـر ربعـه تهـودوه
كل(ن) يصوب صوب رجله هواته
لاصار صايع بالحواري ومشبـوه
يقطع ولد ياهنـوه هـذي صفاتـه
تكرم مثل ياصاحبي كلب(ن) اشلوه
يشلي له اللي في يديـه رضماتـه
من دبلت(ن) كبده عليه وعلى اخوه
يبي على صايعك يفـرش عباتـه
يومك عجزت لصايع الناس صاعوه
كل(ن) يجرب في عيالك عصاتـه
ياهنوه انا بنصحك ياهنوه ياهنـوه
نصيحت(ن) ياهنوه ماهي شماتـه
اعقل رجل ولدك عن كـل مسفـوه
واقضب ولدك بيـدك وده وهاتـه
خطو الولد ياهنوه عاله على ابـوه
ابرك لك الله مـن شبابـه خواتـه