بسم الله الرحمن الرحيم
السلام عليكم ورحمة الله وبركاته
كان في طفل صغير لطيف ظريف اسمه عبدالعزيز ويدلعونه (عزوز) كالعادة
عنده اخوين اكبر منه واحد اسمه ابراهيم والثاني موسى
وفي كل مرة يطلعون ابراهيم وموسى يلعبون برا ويقولون له خلك في البيت انت صغير..
عاد في يوم من الايام قرر ابوهم انه ياخذهم للمسجد يصلون...لانهم كبروا
وأصرّ عزوز ، يبي يروح وياهم..
قال له ابوه مايصير انت بعدك صغير.. اللي كـُبرك ما يودونهم المسجد
صيّح وصرّخ .. وعفس الدنيا..
ابويه تلـّه(كلـّه) ياحذهم ويحليني ..
( يعني ابوه ياخذهم ويخليه )
تله تنثون عذوذ تله تنثون عذوذ
( يعني كله تنسون عزوز كله تنسون عزوز )
المهم كل يوم على هالحالة..
ذاك اليوم قرر ابوه انه ياخذه معاه للمسجد..
قال حق امه لبسيه عدل وكشخيه وخليه يروح الحمام اول
(لا يوهقنا في المسجد)
وفعلا خذه وياه للمسجد ذاك اليوم
وقال حق اخوانه وقفو يمه علشان لا يسوي فوضى ويلعب
انتو خلكم في هالصف ..لان الاولاد اللي كبركم ما يصير يوقفون في الصف الاول
اذا صرتوا على طول مؤدبين وحليوين وما سويتوا فوضى ابدا.. بخليكم بعدين توقفون في الصف الاول
وراح ابوهم فعلا وقف في الصف الاول .. في الروضة خلف الامام مباشرة ...
المهم
وقف هالعزوز في الصف عدل مثل الرجاجيل..ساكت ولا كلمة ( مؤدب حده )
كبر الامام.. كبروا اخوانه.. كبر عزوز مثلهم
وبدا الامام يقرا سورة الفاتحة
وبعدها قرأ سورة ( الاعلى )
ويوم وصل الامام الى اخر اية
"ان هذا لفي الصحف الاولى ،
صحف ابراهيم وموسى "
قال الولد باعلى صوته: وعذووووووووووذ
" سبحــان الله وبحمــدهـ .. .. ســبحـــان الله العظيـــم "
كلمتان خفيفتان على اللسان .. ثقيلتان في الميزان
كررها عساها تنفعك