[align=center]
^^{( آمـر وسـمْ )}^^
قبل الغـرام وقبـل مااصيـر .. مغليـك
أعاهدك مااقول : غيـر ..( آمـر وسـمْ )
حتى لو إنك قلـت : برحـل .. وأخليـك
بقول لـك : تامـر علـى ماتبـي .. تـمْ
رايـح أكـون إنسـان .. يفهـم مباديـك
أشاركك بالضحك .. والحـزن .. والهـمْ
مهتم بكْ .. وأغلي بعـد مـن .. يخاويـك
ومـن لايهمـك مانـي ب فيـه .. مهتـمْ
بفتح لك .. بصـدري وقلبـي .. شبابيـك
وأنقش غرامك وأرسمـه .. داخـل الـدمْ
وإنْ جاك نوم .. رموش عيني .. تغطيـك
غمض عيونك وسـط عينـي وثـم .. نـمْ
وان قلت لي وش كبر حبـي بخافيـك ؟؟
أقول أحبك .. بس .. مـدري أنـا كـمْ !!
أبيـك تسرقنـي .. لـروعـة مراسـيـك
وأموت بك موتـة غريـق ٍ .. وسـط يـمْ
أبيـك تـدرك يـوم انـا جيـت أماشيـك
قصدي تكون أقرب من .. الخـال والعـمْ
قصـدي تبعثرنـي .. اليـا مـر طاريـك
وأحنْ لك .. وأجيـك .. ملهـوف ل اللـمْ
قصدي أعشقك .. وأتمنـاك .. وأرجيـك
وأشفق على شوفك.. وضحكك .. مع الضمْ
وأضيع فـي شعـرك .. ودافـي أياديـك
وأذوب بالوانك .. وروجـك علـى الفـمْ
أبيـك تفهـم ..!! يمكـن أقبـل تمـاديـك
وأسامحك لااخطيـت .. وأقـول : ماهـمْ
لكن ..!! لو إنك قلت : برحل وأخليـك!!
بقول لك أبشـر .. علـى ماتبـي .. تـمْ
*
*
*
للاسف ما اعرف اسم الشاعر
على الخير والمودة والمحبه نلتقي
أجمل تحية وأرق سلام
[/align]