[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سميت بالرحمن مفني هل الفيل = ألي عباده كلهم في أرجوه
في ساعتين باصور بنفخ أسرافيل = تطلع من الأجداث عجلاً نموه
أرجيه يوم الناس عريا مذاهيل = والشمس فوق الروس يقرب ادنوه
يوماً يروع كامل العقل ويهيل = ومنه يشيب ألي بالأمهاد توه
بعده أبكتب وافيات التماثيل = وبين الموضوع ما هي أكموه
النعم ضاعة قيمته يا رجاجيل = كلمة نعم كل شخص فيها تفوه
فيها تساوى اليث هو والمهازيل = حتى سراداً بالشوارع أتبوه
يصرف نعم من غير عرف أو دواليل = وش ها تهاون ليش وش هالجروه
يا ضالمين النعم كفو عن الميل = النعم منكم صار شكله أمشوه
الياشاد بسمه قال نعمن بتبجيل = لو كان ساسه بوتاِّ ولد بوه
النعم دربه صعب على الردي حيل = ما يقدره كوبان لو هو ينوه
وقت الرخائ تسمع علومه تهاويل = وأن جاء اللزوم إيضيع صعباً بالقوه
النعم كسباَّ لرجال الحلاحيل = أهل الشهامه والوفا والمروه
على سنام المجد لهم منازيل = لو بار فيها الوقت تمشي بقوه
النعم يظهر كان قالو هل الخيل = وحمي الوطيس ويشبه الليل جوه
والنعم يظهر كان جوله عرازيل = أحداً قلط وحداً وصل قال قوه
طلقاً حجاجه ويتهلل هلاهيل = وينادي الماشي سنا ضوح ضوه
النعم يظهر كان ضارة ولاويل = بين الجماعه صار حز وشكوه
يصلح ويصبر لو رجح يمه الميل = يحلم على الجاهل وغفر أهفوه
مثل الجمل يوم أرتكى لثقل الشيل = ما هو حويشي دوم تسمع رغوه
وصلو على ألي بالوحي جاه جبريل = المصطفى المختار أفضل نبوه[/poem]

الشاعر / سعود ضفيدع العنزي