مشاركة: إهداء
بسم الله الرحمن الرحيم
[poem=font="Arial,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بديت في عازل نهاره عن الليل = رب العباد الي لخلقه رحومي
يارادع الظلام في طير أبابيل = بحصاه من سجيل لهم رحومي
أرجيك يوم الناس عريا مذاهيل = أحفاه وعرات بليا أهدومي
يا رب يارحمن ياخير من سيل = أنت الرجأ يوم الأوادم أزحومي
ومن بعد ذكرك نبتدي بالتماثيل = وكتب على سطح الصحيفه علومي
أمدح أربوعي كاسبين التنافيل = هم عزوتي ياصار كتماً كتومي
الدم واحد لو نحو بالمنازيل = ويلان من ويلان وقت اللزومي
مقيول لجمعاً تعز الرجاجيل = والجمع يهز يا حصلبه أسلومي
والليا أجتمعنا جمعنا يعدل الميل = واليا تفرقنا أهزمنا لزومي
ربعي بني وايل زحولاً حلاحيل = منزالهم في قمة المجد دومي
مناهل العوجا سقام المعاليل = ذرى الجزيرة عن هبوب السمومي
يلجاً بهم يوم أكتراب المحاحيل = نصارة المضلوم من الضلومي
جمعوا لهم شعباً إفرقاً وغرابيل = وتقاربوا رغم أ×تلاف السلومي
حكمن بشرع الله ما هي تهاويل = ومن شذ راسه بالخزام أمحزومي
ومنا شيوخ أشيوخ ما هي تقاويل = تركي على كبد المعادي أرقومي
عناز من صنعاً إلى شاطي النيل = ومن حد تركي لين حد اليمومي
عقب رجل لو فرقتها المداهيل = تجي اليجاها صدوق العلومي
تاريخهم معروف مابه تجاهيل = يدربيه اللي بالمهاد أحزومي
فريس من دور العصور المساميل = ما حسبوا لمرفعين الخشومي
يا ما أرملو من جادلاً بالمصاويل = عقب السعد راحت تشق الهدومي
على بنات الهرش مع قرح الخيل = كل ديرتن سوو عليها هجومي
صالون من القطبي اليا يمة السهيل = ومن شافهم يزبن بروس الحزومي
هيبه وجزمه بالرجال المشاكيل = عدوهم يرتاع لو بالحلومي
لصديقهم مثل درير المباهيل = يطول وقته بينهم ومحشومي
مجالسن يوجد بها البن والهيل = ولا يذبحون ألا السمين الردومي
فنجالهم يا صب وسط الفناجيل = كنه خضاب أمعورجات الرقومي
تلقا أمجالسهم حسين التعاليل = واحد يسولف والبقيه أسجومي
بهم ليان وبه قساوه وعييل = وبهمم شراه يا حتمن السهومي
الياثنو عند أمهات المخاليل = مهبلك يا زجلاً عليهم يزومي
لهم على جيش المعادي تحاويل = عقب الطمع عود ذليل أمهزومي
منا زحولاً ترتكي لا ثقل الشيل = يا بار بالصاحب ردي العزومي
ونجً نهاراً فيه عج وهلاهيل = ألي ضرب برماحهم ما يقومي
واليا زمت دهم المجموع المضاليل = قبيلهم له العنأ والسقومي
يخيم عليه الحزن هو والفرابيل = يشرب من العلقم قراطييع دومي
شيوخاً لهم بأعلا المعالي مداهيل = بالطيب منزلهم يواز النجومي
يا ما أتعبو عوص الركاب المراميل = ويا ما تعلو كل قبا قحومي
ما همنا حكي القلوب المهابيل = ألي على الصاحب تبث السمومي
والسب ما يشفي قلوب المغاليل = ولا همنا حكي الضعوف الرخومي
يا هل الوفا يا متعبين المعاميل = من ينقل الحيه معه بالكمومي
وختامها يصحب بورد الأكاليل = والزكا صلاتي لنبي كل يومي[/poem]
قصيدة الشاعر : سعود ضفيدع العنزي
الكاتب / سلطان مفرح العنزي
|