هذي قصيدة لشخص اسمه صالح حصله
موقف وكتب هالقصيده وحبيت انقلها لكم


قالت بدون وقلت وين العذاريـب *** قالت بدون وتحسب انها اهانـا

قلت العفو يابنت حنا هل الطيب *** طيب ٍ لنا يابنـت ربـي عطانـا

حنا انخلقنا للعنـا والمصاعيـب *** حنـا وحنـا والعنـا ماعنـانـا

حنا انخلقنا للكـرم والمواجيـب *** حنا الكرم يابنت عايـش معانـا

حنا هل النخوات روس المحاريب *** نفزع مع اللي بالشدايـد نخانـا

(قلتي بدون وكن فينا عذاريـب ؟ *** من طيبنا يابنـت زايـد بغانـا)

والعيب جنب عنننا العيب تجنيب *** والطيب من طيب العروبـه انـا

مانشتكي يابنت شـر الدواليـب *** من صبرنا يابنت شابـت لحانـا

كبيرنا يابنـت فـوق المراقيـب *** وصغيرنا للموت اعلـن رهانـا

قلته وانا صالح ذيب ٍ ولد ذيـب *** ذيب ٍ يعشق الموت قبل الاهانـا

__________________