رد: كشكووول القناص ...في الشعر ...!!
الذاهبة :
...............
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الله الّـي راد والعقـده قضاهـا الّـي عقدهـا=لا على الدنيا سـلام ولا لباقـي العمـر زينـه
الفضا مـا كنـه إلا خيمـة طاحـت عمدهـا=والفـرح ماكنـه إلا شيـخ انقصـت يديـنـه
والعمر قطعت زجاج انكسرت ولا طـال أمدهـا=والعرب في العيد بدمـوع اليتامـى مستهينـه
والشوارع لفها ثـوب الظـلام الّـي هجدهـا=والبيوت أطلال من عقـب المحبـه والسكينـه
والشتا والليل والبرد وسمـا يصـرخ رعدهـا=والعيون الّـي ورا الشبـاك مذعـوره حزينـه
طوّلوا في الكهف الأصحاب وبقت روحي وحدها=كنها في كوكـب ثانـي خـلا مـن ساكنينـه
الوداع الّي بعلـم العيـن يعبـر مـن رمدهـا=والوداع الّي بلا علم لقفـص صـدري غبينـه
والوداع الّي بـلا رجعـه علـي أمـر وأدهـا=والله إنـه غرغـرت سـم وسكاكيـن سنينـه
والعنود الّي جفيـت النـاس والدنيـا بعدهـا=مدت الفرقـا لغاليهـا وهـي تعطـي الثمينـه
وينها كيف اتركتني ليه ما جـت فـي وعدهـا=والقمر لا طـل خابرهـا تجـي بينـي وبينـه
رحت انادي واتلمس في مهـب الريـح يدهـا=كني حصان بلا صاحب طـوى البيـدا حنينـه
رحت أصيح الصبح وينه والعرب مارد أحدهـا=ما سمعت إلا صدى صوتي يقول الصبح وينـه
كنهم من يوم ذيك الشمس غابت عـن بلدهـا=طلعوني في النفـوذ وسكـوا أبـواب المدينـه
كنهم من يـوم ذيـك الذاهبـه محـد وجدهـا=كل رجال من الشرهه قلع فـي الـدرب عينـه
أثرها ماتت وماتت كـل فرحـه فـي مهدهـا=والربيع أقفت به الّـي كانـت التـاج لجبينـه
جاورت عقب الحدايق حفـرة مقسـى لحدهـا=حفرة ماني مصـدق كيـف ضمـت ياسمينـه
للحزن فيني مثل مـا للطهـاره فـي جسدهـا=ويش اسوي لا فتشت الّي لها وسـط الخزينـه
زخرفت حلم وبنت له مسكـن وسمـت ولدهـا=آه لـو غـرد ولدهـا فـي خميلـة والدينـه
عاهدتني وظفرت بيمين أقـوى مـن عهدهـا=والصبي لا خير فيه إن كان مـا نفـذ يمينـه
ما تثقى عـن رثاهـا عـرق أكتـظ بشهدهـا=ولا تبقى خلف قضبان الجفـن عبـره سجينـه
كيف عند العالم أيام العزا ما أحصـى عددهـا=ولاّ أنا طالت شهوره والله أعلـم كـم سنينـه
لا الثرى فيها نبات ولا المشي خفـف نكدهـا=لا السما فيها طيور ولا البحـر يمـه سفينـه
لا القمر هذا مساه ولا العصـي هـذا رغدهـا=لا الزهر هذا شـذاه ولا الذهـب هـذا رنينـه
قالوا الشيخ الفلانـي مرجـع القـوم وسندهـا=قال يبشـر بالعـوض والعلـم جينـا ناقلينـه
ساقلك بدر البدور الّـي نشدهـا مـن نشدهـا=جادل هـزت عـروش وخيبـت روس ذهينـه
قسمها في رسمها في جسمها اللافـي رشدهـا=واسمها ان جا للغضب قومه على الألسن رطينه
اترك النـاي وعطيـة شيخنـا غـن لسعدهـا=وانبسط يا عم وانسى الّي ورى التربـه دفينـه
قلت ولصـدري تناهيـد تـروع مـن شهدهـا=آه وا ويلاه من يجلـب علـى قلبـي ظنينـه
خلو أغلى ذاهبـه ترعـى ربيـع الّـي فقدهـا=والعطـا راعيـه محـد صوبـه الله لا يهينـه
لو ضمنـت الجنـه تفاحـة القلـب وشهدهـا=قلت من بكره عسى مجنونهـا تاقـف سنينـه [/poem]
من قصائد المبدع ناصر القحطاني
__________________
............. موقع فواز أبوخالد : ..........
|