رد: احبك
يعطيك الف عافيه اخوي عبدالله
محاولاتك حلوه مره وشد حيلك
وخف على نفسك ترى مافيه انسان يكتب كل يوم قصيده
اول شي ابو عابد انا ماني شاعر
بس انت شاعر بإذن الله وينقصك الشي الكثير لصغر سنك
وثاني شي توك على الشعر يعني اضمن لك انك توك بادي تكتب شعر
انت سمحت لنا بالانتقاد وانا ابشتغل غسان الحسن هع هع هع
اول شي القصيده هذي الوزن فيها معدوم
بعطيك ابسط نصيحه وخذها مني مع اني ماعرف
القصيده اذا كتبتها لحنها هذا مايكفي بس بالبدايه يعتبر شي حلو مره
اللحن مهم بالنسبه للقصيده
حاول تلحنها على الاغاني القديمه تراها تحبك الوزن افضل
وبعدين عندك بعض المعاني صراحه ماتنفهم
ابسط مثال :
محدآ بالحلال جاراك
انا مافهمت بس يمكن لك مقصد ثاني ولو قلت محدن بالحلا جاراك وانا اتوقع انك تقصد كذا
بس خطا مطبعي معقوله مع ان وزنها رايح فيها
لاتقول لي اوزن البيت لأني والله ماعرف اوزن بس اميز شوي
وهذي اي واحد يميزها وانا اخوك
القصيده اهم شي فيها الوزن والقافيه والمعنى غير كذا ماهي قصيده
عبدالله انا عارف انك تحب وتبي تكتب قصيده غصب علشان تفرغ اللي داخلك
بس وانا اخوك مو عيب الخطا كل الشعراء اخطوا بس كل قصيده يتعلمون منها وارجوا انك تتعلم بعد
عبدالله وربي انت تمتلك احساس وافكار حلوه صدقني ينقصك الوزن
وبعض الاخطاء مثل قصيدتك اللي تقول فيها يافهد انت كررت اسم فهد فوق عشرين مره
انتبه ترى كثرة تكرار نفس الكلمه تملل المستمع وتعيب القصيده
عبدالله لاتسمع كلامي بس ابيك تسأل الناس الفاهمين عندنا بالمنتدى وغير المنتدى
عبدالله انت شاعر ويكفيك احساسك صدقني يوم اقرا قصيدتك
ادري انها طالعه من قلبك
ارجوا انك تشاور الشعراء واتمنى ان الاخوان مايقصرون معاك واولهم حسين الهوران
تقبل احتراماتي لك ياالغالي
لاتنسى عبدالله لو شديت حيلك اضمن لك انك راح تكون شاعر كبير
__________________
منساك لو يمشون حولي عيالي . .. راح أذكرك سنين وسنين وسنين
|