غزال بسوق الحفر
الغزال
الغزال اللي لفى سوق (الحفر)
استنار السوق بقدوم الغزال
كل من شافه توقف وانبهر
يذكر الله كيف سوابه جمال
نظرته سهم(ن)على الواحد خطر
ويله اللي صابته نظره دلال
العيون الزرق ترمي بالنظر
والجسم وشلون مايوصف محال
الجميع يشاهده يوم(ن)عبر
يوم جانا كل عين(ن)له تطال
يوم جانا من محلات العطر
ثم دخل في سوقنا يسأل سؤال
كم تبيعون الذهب كم السعر
هو غرام اليوم كم وصل ريال
اندهشت ولاقدرت اعطي خبر
ماطلع مني سوى كلمه تعال
قالت ابقى اروح عطني المختصر
خلك عنك ياولد لعب العيال
قلت من شافك فقد كل الصبر
لاتلوم اللي يبي منك مجال
ادخل وآمر عليا ياقمر
لك نلبي لو بلغ حتى الخيال
ابتسم ثم قال بدخل في حذر
وان حصلي شي بمشي بعتجال
قلت ارقد ثم آمن لا ضرر
عندنا فعل الرجوله راس مال
مانخونك مابنا طبع الغدر
وان بقينا حب ماغير الحلال
اسكتت ثم طالعت قلت الستر
نظرتك يابنت بتهز الجبال
رؤفي بحالي قبل لأنتحر
ثم يقولو نظرتك موت الرجال
الخجل سيطر عليها يابشر
القمر كنه تلاشى للزوال
قالت ابقى اعرف من اخر سطر
وش نهايه حكينا مادام طال
قلت احبك قالت من اول نظر
قلت من نظره هويتك ياغزال
بس نظره منها العالي انحدر
ألعبتبي باليمين وبالشمال
اطلبت مهله تفكر بالامر
قلت يوم ولاتزيدين بليال
الرقم هذا عليه انا انتظر
طالبك بالله ردك للوصال
ثم قفت واستمديت البصر
لين غابت واللقى اصبح محال
اخوكم /عاثر الحظ
|