يا من يذكر صاحبي في غرامه
والا ينسيني عن الوضع كله
..
حبٍ يطرى غير حبه ملامه
يرْث بعد عزٍ قضيناه ذله
..
يوم اتخيل واحدٍ في مقامه
ينتابني من واقع الوقت خِله
..
اطيب بني جنسه يعادل بهامه
وبعده على قلبي مراره وعله
..
اشتاق له شوق بدوي للغمامه
لى لد من حوله ولا شاف ظله
..
في صيهدٍ يشوي صلايب عظامه
ومن الضما حلقه يكودٍ يبله
..
من فوح راسه تستلجْ العمامه
كنها غطا صفراً على جال مَله
..
شوقي كما شوقه لغيمة سلامه
والا لطرقيٍ على الماء يدله
..
وإن كان خلي صابني بإنهزامه
ما لي بديدوم المحبين مِله
..
حبٍ لغيره يستفز الكرامه
وهنا ..! بودع عالم الحب كله
حكيت ومالقيت إلا جرووح الندم مـوال
سكت ومـت بالحسره ولا ادري وشهو احسن لي
انا مقدر اكون اني حبيب في بعض احوال
انا كـلي اجـي ولا اروح بعـزتي كـلي ..
تخيرت الفراق..ومادريت إن الفراق وصال
اقول اني نسيتك..بس مدري كيف تاصل لي
خذاني لك سؤال في عيونك..والجواب محال
خذاني منك دمع في عيوني مارضـى ذلـي..
رحلت انـت..وتركت لخاطري طيفك وصبر طال
غـدت ذكراك شـمس ماتغيب وصـورتك ظـلي..
اعزك كل مافيني يحـبك ياخـلي الباااال
تخيلتك دواي..وصـرت جـرحي الصعب ياخـلي
تعبت ارحل من وجـيه البشر بنساك بترحال
ولا ادري وش يجيبك في وجـيه الناس..وأهلي
حكيت ومالقيت إلا جرووح الندم مـوال
سكت ومـت بالحسره ولا ادري وشهو احسن لي