[poem=font="Simplified Arabic,4,black,bold,normal" bkcolor="transparent" bkimage="backgrounds/29.gif" border="double,5,green" type=1 line=1 align=center use=ex num="0,black"]
جـيـتك وانا خـلـيـت عـنــدك امانـه=لــي ردها مادام قـلـبــك نسانـي
جـيـتك وانا لا زلــت حافــظ غلانـه=عـمـري ولا فـكـرت انـسى ثوانـي
اللي يحب انسان يـصـبر عشانه=وانا صـبـرت ومـعـك صبري كفاني
ان كــان بـه للـحب عـنـدك مكانـه=جـيـتـك ادور فـيـك باقــي حنانـي
تـعـال نـبـدى صـح من اول لقانـه=نعيش مـثـل الناس نرسم امانـي
واذا انــجرح في يوم اصبع حدانه=اثـنـيـنـنـا بالـــجـــرح لازم نـعانـي
اوعــدني انـك ما تــكــرر خطانـه=وانــدم علـى ما راح والعن زماني
اذا نــويت بـيــوم تــنـهـي هوانـه=طالبك حاجه بس تكفى عشاني
اعـشق بكيفك ايه ماهي لعانـه=مسموح لك مادمت حافظ مكاني
تــدري متى وشلون تصبح خيانه=لـم اكتشف في يــوم انـك انانـي
انا اعــتـبـرها مـنـك اكـبـر اهانـه=اذا مكاني ياخــذه شخص ثانـي[/poem]

__________________