ارجو ان تحوز علي راضكم
[align=center]
خلف المشعان يقول
:
:
يابو يزيد .. السالفه .. ماهي اعجاب
...................................... مافي قصيده قلتها معجبتها
دقت .. على قلبي .. وشرع لها الباب
.................................... الجادل .. اللي : ( هـه ) طول رقبتها
جتني .. تطشطش .. ديمها في شهر آب
.................................... من زينها .. حتى الفصول ، اقلبتـها
( ريمية ٍ).. لو رحّبت بالصخر .. ذاب
..................................... ياخوك .. والله .. ياحلو ( مرحبتها )
جتني بليا .. سابق .. انذار .. واسباب
..................................... تقول .. ( شرطان القصيد ).. أذهبتها
وقمت اتثيقل .. قالت : شجاب لا جاب
................................... حتى .. ضحـَكت .. وضحكتي ، خربتها
قالت: أنا .... ؟؟
قلت : وأنا .. .. قالت : ( احباب ) ؟
..................................... قلت : ايه .. وجنون الغرام .. اركبتها
واستدركت .. قالت : واذا كنت لعّاب ..ّ!!
..................................... قلت اسحبيها .. واستحت .. واسحبتها
قالت : معايه كلمة ٍ.. مالها .. اعراب
......................................... قلت اكتبيها .. بالهواا ... واكتبتها
كلمة .. ولكن .. عن 900 ..... اكـْتاب
......................................... مالومها .. ياخوك .. لو مااعربتها
السالفه .. متعدّيه .. حد ّ الاعجااااااب
............................. وابسط دليل .. ان صورتي .. في ( كـبتها )..!!
خلف المشعان
وكتبت هذه المجاراه والمداعبه عساها ان تحوز على رضاكم واعجابكم :
ياراكب اللي صوتها يرهب ارهاب
.......................................... شقت سحاب الصيف يوم اشعقتها
نجمٍ خفق بالمعركه يوم تنساب
.............................................لاحت بروقٍ بالسما .. وافرقتـها
سواقها يرمي مهو حاسب حساب
................................................لع ـــيون من تزهالها مخنقتها
الجادل اللي مابها شي ينعـــاب
......................................... تكسف شعاع الشمس حين اشرقتها
ماحطت الحمره على رف دولاب
..............................................وافل ام نص ونص ماطبقتــها
حورية مسكانها .. من ورى صواب
..............................................تلت معاليق الحشا واحرقتهـا
بلعون مالبست عبايه و جلباب
.................................................ا لله يازين ردونها لافهقتـها
هذا الحلا ياخليف كان انت مرتاب
...............................................من وحدةٍ طشت عليك ورقتها
الزين ماهو بس في طول الارقـاب
...........................................ياخي ترى ارقاب الزراف ارهقتها
:[/align]
أخوكم / موســــــى المشعان
|