من روائع عدوان الهربيد الشمري
[align=center]بسم الله الرحمن الرحيم
السلام عليكم ورحمة الله وبركاته
اخواني الاعزاء
بموضوعنا هذا جمعنا اكبر عدد من قصائد فحل من فحول شعراء شمر
الا وهو عدوان الهربيد
عدوان بن راشد الهربيد من السويد من سنجاره من شمر
غلب طابع الحكمه على اغلب قصائده كذلك اشتهر عن عدوان انه فقير ماديا
وورد هالشي بقصائده من ضمنه قصيدته اللي يتمنى به معاميل القهوه وكذلك قصيدته اللي
يتمنى به لو يملك ابل وغيره
راح احاول اني اجعل تسلسل قصائد الهربيد كقصه حتى تكون اقرب للقاريء
يقال ان اخوة عدوان قتلو باحد المعارك
ماوجد الا جريس وهو ولد اخوه
ويقولون انه تزوج امه خاف لاتاخذ له اجنبي ويوذي جريس
ونلاحظ ان اغلب قصائد عدوان كانت مسنده لجريس
ويقال باحد الايام كان مار بمراح اهله ومعه بناخيه جريس وهو يتذكر اخوته
يقول عدوان:
يادار يـادار ربينـا بـك العـام
بين الحجر يادار واشراف ضاحي
يادار مابك من هلك جـرة اقـدام
والمـال مالـه جـرة بالمراحـي
بس الثلاث اللي تقول روس خدام
وارض تصفق به نشيط الرياحـي
ياجريس يامشكاي واطيرنا حـام
برخون شينات الليـال اللقاحـي
حطن بنا قيد وهواجيـر وخـزام
ياجريس واسقنا مـرار الملاحـي
حظ ربض لو قامت السمر ماقـام
وباب عصانـا بقلـة الانفتاحـي
يا قـد قلبـي قـد أزرق الخـام
أو قد غرب من شفا البير طاحـي
على الرجال اللي مشو لي بالاخدام
راحو كما برق بالامطـار لاحـي
ويقال ان بناخيه جريس يوم كبر ماعامله نفس المعامله ومشى وخلاوه
يقول عدوان:
ياجريس يامشكاي شاكن واشكيـك
اشوفها من يم الاصحـاب ضاقـه
ياجريس أخذت أمك على شان تاليك
ما معجبن زينه ولا هـي عشاقـه
عمك ولو بي تنشده كـان ينبيـك
وش حق من رباك طفـل حواقـه
ياما علـى متنـي تعقبـت بيديـك
تنقل كمـا تنقـل خطـاة العلاقـه
ويامـا بعـدلات الشبايـا نعشيـك
واعطيك مع زود الخزيـزة لحاقـه
لما الذي بدقون ربعك ظهـر فيـك
وأظن فـي نيـت اللحـى افتراقـه
واليوم اشوفك يوم كبرت علابيـك
جمعت مع خبـث الطبايـع نزاقـه
ياصار بالدنيـا صديقـك مجافيـك
ما من ورى عوج النصايب صداقه
ياجريس مالي بالاداني واقاصيـك
لأهل فوقـي محـزم مـن دقاقـه
سبع العود ياجريس خلـن اخليـك
ياجريس ما بعيال الاخـوان فاقـه
تيس يحطـه وال الاقـدار بيديـك
أحلى من الشرشوح عنـد الرفاقـه
وقال هذه القصيده لان جريس لم يبر بعمه عدوان وخاب امله به
ياراكباً من فوق بنت العماني *وقم الرباع وتوماشق نابه
تضرم الى ارخى له طويل الشطاني *يجوز المندوب النشامى انسحابه
تلفي على الي بالمهالك رماني *رمية حصاتاً من هديم خرابه
ياشين ماقطعت عنك الحساني* ولاوليتي قشرا تدور القضا به
اضهرت راسك يوم ربي هداني* من الشوحه الي يستدير الرشابه
ياجريس مانت بمثل جريس اليماني * ولا جريس الي تموح الجنابه
يامالجيت بكل خضرا مثاني* بالبر ولا في مثاني اهضابه
ياماعشيتك قايدات الذهاني* القايده ياجريس ماثلم احسابه
ياجريس وابرد التسيعي شواني * حزة طلوع الشمس ولا غيابه
بيام يطرد بالنظر كل واني *وايام طرد الضيف لبو عتابه
تركت انا ياجريس كل المعاني * غر الغنم ياجريس للي حكابه
اخب بطرافه خبيب الحصاني* واشوح بطرافه فروس الذيابه
اخاف انا ياجريس من قول جاني * يوم المنايح مثل هاني كلابه
ونطيت عنزاً من كراب اليماني * ينهج كما الكساب لو كان مابه
عن قولة الطلاب ذا ماعطاني *وعن قولة المطلوب لالاسعابه
لاستلحقن عقب الحيال المغاني * وطلع قناديل الشجر جاب مابه
من بديار للابته جاه عاني * وكلن تذكر دار حياً ربابه
ويقول عدوان الهربيد يوم رحلو للشمال وخلو ديارهم وكانو بقيادة الشيخ عساف الهربيد:
زحنا من الغوطه شمـال بتغريـب
وصارت لنا عن سوق حايل مناحي
التتن قـل وضيعـوه الشواريـب
ورحنا لابو عوينان مثل الطياحـي
مودع عصيف الشاوري كنه السيب
وبريتن ريحه على النـار فاحـي
ماكنه الا العيلمـي مـارد النيـب
ياقلن الامواح هـن والضحاحـي
نتلي مضاعن نيبنا شمـخ النيـب
جـل البكـار ملطفـات الطياحـي
ربع بنا عسـاف درب النواهيـب
عشبن يغذيه الغشيـن الرواحـي
ياما قطعنا من طـوال العراقيـب
وياما نزوح الصيـد باالارتماحـي
وياما اعتلينا نايفـات المراقيـب
وياما ارتعن بادنى االدحيلا اللقاحي
ياما صبرنـا بنحـور الاجانيـب
يـوم كـل بالامـان استـراحـي
لعيون غضات البنـات الرعابيـب
تسعين ليلـه مارمينـا السلاحـي
بديار بن يكلـب وكـلاب وكليـب
بين البيات ومحتريـن الصباحـي
وبشرقي مكيحل رعينـا لغابيـب
فرسن تهزع بالخبـوب السماحـي
ياخو شقا شف الاناثـي مغاريـب
زل الربيع وزل وقـت الصلاحـي
وديارنا من دونها يتلـف الذيـب
قولولونـدات الحريـم الرواحـي
دنو لنا العتلات هـن والمصاليـب
مثل الصدير من المقور القراحـي
ويقال يوم صارو هناك اشار عليهم عدوان للرجوع لديارهم وكان بالمجلس
اثنيين اللي هم اسماعيل وسعيد وكانو من المعارضين لشور عدوان
وقالوا ياعدوان لاتزرب بنا تر كل شاعر زاروبه
وزعل عدوان وقال قصيدته اللي تسمى "الشيخه" :
المجلس اللي به اسماعيـل وسعيـد
ينعاف لو قربه علـى القلـب غالـي
اسماعيل ماسمته سمـوت الاجاويـد
وسعيدماداجـو علـيـه الرجـالـي
عيالك الضمران والفـرس ياسعيـد
ياعل ما لحميـض الاطعـاس والـي
أنـا بـلاي مزهبـيـن البـواريـد
هـل البنـادق ميتمـيـن العيـالـي
مابيـن شمطـان اللحـى وألأواليـد
نضت قـروم فـوق مثـل السيالـي
مركاضهـم ياسعيـد مابـه تصديـد
ذباحـه الطيـب نـهـار الكتـالـي
تاتيـك جمعـات ادروبـه مـواريـد
تضيمنـا يـا سعيـد بالاحتمـالـى
ياسعيد لاتضرب علـى حبـة الديـد
بشلفـا تسـل الـروح بالاشتعالـي
بديارفطمـان البقـر مرتـع الصيـد
ما عندك اللي عـن حوالـك يسالـي
ياسعيد هرجك لـه مغيـر ومراديـد
تحمّل من الهرج الرخيص الجمالـي
هرج على اكتـاف العـذاري مناقيـد
مايطيـب الصبيـان كـود الفعالـي
عرب جوابك يافتى الجـود ياسعيـد
عن قولـه ثـاري سعيـد استزالـي
عميـت يالسبـه جميـع القواصيـد
ماقلـت بالشعـار طامـن iiوعالـي
عميـت نمـر والمهـادي وابازيـد
عز الظعن حبـس الكميـن الهلالـي
ومشعـان والطياروعقـاب وعبيـد
وعبدالله المصطور ماضـي الفعالـي
والعسكري ومصيخ وهديب ورشيـد
وحسين حمـاي الركـاب iالتوالـي
وجمل وبن حثليـن والفغـم وفهيـد
وعنتر الى ما عـدل الشيـل مالـي
وصعب اليا عدوصطـام iالاضاديـد
وسعود ابـن سعودراعـي الفعالـي
وعمير وعرار هـل الكـود والكيـد
مخلين سروج الخيل أو يـا دوالـي
وحطاب اللي بالصحن ينفـض الغيـد
وبريـك محـي بالركـاب المسالـي
ورميزان هو والعرفجي ذاك أبو زيد
وساجـر مسـوي للذلـول النعالـي
ابن دعيجا اللـي كمـا بيتـه الحيـد
وابن سمير اللـي بقـرن الشمالـي
اللـي ركابـه حـادرات iiمسانـيـد
ابـن دعيجااللـي يفـك التـوالـي
ومسفر ابن غازي ونومان iiياسعيد
وجـارد املضـي للشخيـل العلالـي
ونايـف دلال مدلـلات iالمغـاريـد
وفهيدزبـون مجنفـرات المتـالـي
والاشمل اللي مـن منـاه الترادييـد
ومطلـق مطبـق بالغديـر iالزلالـي
وجديع خيـال السمـان المصاعيـد
مودع مع الدعثـور مثـل العزالـي
طبع بهـم ياسعيـد صـدر وتوريـد
وفهـق وتقليـط وفتـل وعـدالـي
ياسعيـد أناثنـواي دون الأجـاويـد
هـل الصحـاف ومتعبيـن الدلالـى
عشرين مع عشرين لاأنقص ولا أزيد
وافين من غيـر القصيـد الافعالـي
حنا عبـاة(ن) مالقـي بـه لواكيـد
وأنا بعـد مثلـك علـى قـد حالـي
صلاة ربي عد مـا هـل مـن عيـد
على شفيـع الخلـق عـد السهالـي
وله هالقصيده يوم خاوا الرمال من شمر وكانوا الرمال اغلب حلالهم ابل ماعدا عدوان اللي حلاله
غنم والمعروف ان فيه اختلاف بين راعي الابل والغنم من ناحية المسيره ومن ناحية النزل والرحيل
فكانو نوب يتاخرون عليه فقال هالقصيده يلوم نفسوه انه خاوا هل الابل وهو راعي غنم
يقول :
عزي لمن مثل احكي لـه واطاعـي
من تاه بصره ضاع واخطته الابصار
وقعت انا بالضيق عقب الوساعـي
وعدي عن الدرب المسانع بتحيـار
قمنا نجل الحـص مثـل الوداعـي
قرايـف مابيـن حايـل ومصفـار
من شافنا عند العرب قـال راعـي
ومن شافنا قفو العرب قـال خطـار
نتلـي مدلـه ناقتـه والمتـاعـي
ربع يدورون المغـازي والاسفـار
اهل الشـداد ملافظيـن القطاعـي
كم راس طعسن زولو فيه الاشجـار
غفيلات يطوون الفجوج الوساعـي
مرباعهم عشب الخطايـط بالاقفـار
يطنـون راع الضـان بالانقطاعـي
ويرضون بعصير النزل كل صقـار
وانا ياجـا الليـل بـس الدواعـي
داع ورا داع ونــار ورا نـــار
ياجريس عن درب العرب بانهزاعي
ماظنتي رافق هـل القـود حمّـار
حيرانهم تشـدى فحيـد الضباعـي
فتخن تلاعب بيـن ملحـق وقهـار
مواطيه تشـدى بطـون الافاعـي
خلفاتهن مابيـن مصغـر ومبـدار
يامـا تدالـو نازحـات المراعـي
حلالهم ياجريـس حثـات الاوبـار
وله قصيده يتمنى بها الابل وياصف به :
التايه اللي صار مثلي معـه ضـان
مايتبـع الضينـان كـود العفونـي
طالعت انا المجمول مردوع الاوجان-
العصـر قلـب للقطيـع اللحـونـي
البل عطايـا الله مجانيـس الالـوان
عوج الارقـاب مرفعـات المتونـي
مايعلم الله ينصخـي بـه للاخـوان
لـولاه تجـزى صاحبـه بالغبونـي
عذروبها الغييـب شينيـن الاالـوان
اللـي يـدزون الولـد بالطعـونـي
من فوق حيـل ضاريـات للاقـران
بس الحبـال ويابسـات الشنونـي
البـل ذبايحهـا عطيبيـن الاطعـان
لباسة الجـوخ الحمـر والزبونـي
قادت من المربوق والسعـم مليـان
والعصر حشوانها على الماء عطوني
وله قصيده يتمنى به معاميل القهوه بحكم ان حالته الماديه ضعيفه:
ابي اتمنـى منـوة الكيـف واختـار
لو كان يرحن التمانـي علـى فـوش
شفي ثـلاث مركيـات علـى النـار
سود خوات فوقهـن كـل طربـوش
واصفر غريب باللحن يدعـي الجـار
توه لفى من سـوق الاروام شايـوش
مـع زرقـا مايصنعـه لـك بيطـار
زرقا قفاها لواهـج الجمـر مفـروش
ومولف يبعـد يمينـك عـن الحـار
يشادي لعنق الديك والخشم مقطـوش
مع قطمـا تبكـي علـى لـك صبـار
تنثر دموع وتمحش الدمـع بقـروش
مثل الهنوف اللي من الغوش تختـار
ماتاخذ الا مرخص العمـر بالهـوش
وخمسة جروس منحسن كل ماصـار
ماحلى صعيره مع صعير اصفر القوش
وصينيـة عجلـه سريعـه بالاديـار
عليه من شكـل المغاتيـر قنطـوش
مع حايل يندن عضامه علـى الـدار
وحب اللقيمي بازرق الصفو مرشوش
ول ماحلاته مع طـرف كـل مسيـار
ياصار مالك يافتـى الجـود لاقـوش
حلون قبلهن عند ملفـى هـل الكـار
حلون قبلهن مع نبـا كـل هشهـوش
وله هالقصيده ينهى به عن الدخان وبيبن ان الدخان ماهو كيف "اهداء للمدخنيين"
ياشارب التنباك شربه مهو كيف
يامدور الطولات مابـه شكايـل
لاجالي هـم ولا مقـري ضيـف
ولامودع خـط الردييـن طايـل
اعلمك بالكيـف يادايـر الكيـف
الكيف دربه مايبـي لـه دلايـل
اعلمك بالكيـف يادايـر الكيـف
دنيين نجور الماو فوق النثايـل
اعلمك بالكيـف يادايـر الكيـف
بني الرباع السود ويـا المدايـل
بارباعهن بيض الدلال المهاديف
مشروبهن وقع السحاب الشخايل
فنجالهن يشدا خضاب الغطاريف
ورسن صبغ بكفوف شقر الجدايل
وصينيه يقلط عليهـا مراديـف
وحب اللقيمي فوق عصبان حايل
اعلمك بالكيـف يادايـر الكيـف
ركب العقايليـات والـدل مايـل
اعلمك بالكيـف يادايـر الكيـف
حط الكبن والجوخ فوق الاصايل
اعلمك بالكيـف يادايـر الكيـف
ضربت عدوك بالجموع الثقايـل
اعلمك بالكيـف يادايـر الكيـف
تدليل حد السف في كـل عايـل
مع ربعة تفرق حساب المواليف
واليا تلاقو فوق شهب الصايـل
اعلمك بالكيـف يادايـر الكيـف
شقحا من الخفرات شقرا جدايـل
اعلمك بالكيـف يادايـر الكيـف
شي تخلق من ضلوع الشوايـل
اعلمك بالكيـف يادايـر الكيـف
يامدور المشهور هذا الصمايـل
وبالرغم ان قصائد عدوان الغزليه ماهي كثيره ويمكن ماشتهر له اللي قصيدته "بجمعه"
يقولون ان عدوان نزل عند الشلقان من شمر واعجبته وحده اسمه جمعه وهي صغيره بالعمر وعدوان شايب
يقول عدوان ويسنده لبناخيه جريس:
ول يافريـقٍ كتـو السيـف نجـاع
تزجرهـم النكبـا ليالـي التسيعـي
شفي "بجمعه" لو كلت كل الاجمـاع
جمعي مع جموع الجماعه جميعـي
وش عاد لو تاكل جموعي والاصباع
وجموع جمعات الشريـف الرفيعـي
جمعه فتاة مـن شراشيـح الاقطـاع
من لابة اللـي مدلهيـن القطيعـي
وقرون جمعه فوق الامتـان شـراع
يدلي بهن ياجريس خطـو البديعـي
وان كان اهالي الترف يبغون الاطماع
انـا بتوليـف المصـاري سريعـي
ورد عيه ابن اخيه مؤنبا له اذا يتغزل وهو كبير السن ويعيبه بالفقر والشيب
ياعم يلي من هوى البيض مرتاع * يللي تقول اليوم كونك فجيع
ماشفت بيضاً في شواربك نساع * شهباً لهن بين الشوارب لميع
مثل المغلث لونهن يخرع اخراع * يودعن مصطور النشاما هكيع
وش لك بفرون توماجاك فزاع *يومي الجهال العيال الفزيع
العب لهم لعب الزنانيح بالقاع* واوقف على الساق العزيز المنيع
يامعزل النيرات عن دق الارباع * اكسن عباتاً عن ليال الصقيع
ولعدوان ايضا قصيدة التوبه ويقال انه تقارب المية بيت لكن اللي وجدت منه الاتي
يقول عدوان:
يالله ياللـي مابخلقـك معـيـره
الواحد اللـي للمخلايـق خـلاق
تسعيـن مايسـرن انتـه دبيـره
ترجيك ياباني حجر كـل شوهـاق
رازق جليله مع دوابـي صغيـره
ومفنى ثلاث ارنوق من كل الارزاق
شي طلوع الشمس حـزة نفيـره
وشي غياب الشمس فك للاريـاق
واشيا يرعى من ثمر كـل ديـره
واشيا مايعرف مذوقـه ولايـذاق
ترحم كبيره مع دوابـي صغيـره
المنفهق واللي على الرزق مطفاق
وتبعث سكون حال دونـه جبيـره
وتلحق شرود بالجناحيـن خفـاق
دنياك انت الواحـد اللـي تديـره
مر ربيـع ومـر يـذون الاوراق
ومر دجى والعين يخلـف نظيـره
ومر نهار وكـل دنيـاك مشـراق
دنيـاك تقلـط ماتقلـط نـذيـره
ومن لاذ يبي عن منايـاه ينعـاق
انا دخيلـك يـوم يشتـب ثيـره
يالله لاتسطى عظامـي بالاحـراق
تلطف بعبد مودعـك لـه ذخيـره
عبد اليامنه نـوى بيـك مابـاق
[/align]
التعديل الأخير تم بواسطة نايف النمران ; 09-01-2007 الساعة 01:32 AM
|