يا اقرب من دموع الشقا في ناظر الطفل الوحيد
يا ابعد من البسمه على انثى بدت وقت الحداد





ياسبة الجرح القديم وسبة الجرح الجديد
داو الجروح المبطيات ولاتهاون بالجداد





مادمت سلطان الحشا تحكم وتفعل ماتريد
فانا اسالك بالله تكفى لاتطول فالبعاد




يا الطف وارق من الندى لامن كسى خضر الجريد
يا اقسى من الحرمان واشبه في شعورك بالجماد





ياللي حضورك لاحضرت اشبه بفرحة يوم عيد
ياللي غيابك يقتل الفرحه ويلبسها السواد





اشتقت لك وانا ادري انك راحلٍ عني بعيد
بعدك جرحني وانت تدري رجعتك مثل الضماد







في غيبتك اشعلت نار وضاق دمي فالوريد
في غيبتك تدري؟ ابا اعلمك بالعلم الوكاد






في غيبتك في غيبتك ما عاد به شف لقصيد
صار الورق خدي ودمعي صار من فوقه مداد

__________________
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
أأخي أقضي غربتي .. أهذي بأحلام اللقاء ..
هذي السنون تمر سوداً .. مابها إلا الشقاء