امجااااااد ومفاااااخر ... القبيلة
هذه قصيده في امجاد القبيله
للشاعر المخضرم/فهد بن كليب الجعفري العنزي
يصف بعض المواقف البطوليه الحقيقيه الحديثه والقريبه منها.
وهذه رؤوس اقلام من المواقف المذكوره بالقصيده
1ـ الدهم نياق الجلوي من ولد سليمان اخذوهن شمر مخلفين العهد اللي
بينهم وبين ولد سليمان وهو عدم الاعتداء بين الطرفين عند ابن رشيد.
2ـ مخلاص هويمل نصر على غزو من قبيله اخرى.
3ـ معركة المسما وهضابه(العاذريه).
4ـ معركة مطيرده معروفه للجميع.
واليكم القصيده والتي عدد ابياتها اربعه وستون بيتآ :
[poem=font="Simplified Arabic,4,black,normal,normal" bkcolor="transparent" bkimage="backgrounds/6.gif" border="none,4,gray" type=0 line=0 align=center use=ex num="1,black"]
افخر بربعي واماري***واقول القول ولا اداري
ربعآ تدوس الخطاري***عزآ للجار وللعاني
دليلي مناخ الجدر***جابوا الدهم من الصدر
الوضح وراس العقيدي***جابوهن لبن رشيدي
يومون براس العنيدي***وابن رشيد ابرزاني
يوم عاهد شيخنا وباقه***يبي المرتع للناقه
ساقوها عليه اسياقه***ما سألوا عن كحيلاني
مشل ليا منه غاري***الضحى سناد النهاري
معه مهدين الاعماري***ربعه طلقين الليماني
فريح ولد العواجي***معهم فريسآ ماتجاجي
والخايف ماله ملاجي***وافين بكل المعاني
اطلعوا على سنجاره***وفريح يصوت بالغاره
اشيوخآ تهدي عماره***عند امهات الحيراني
شايع يامشايع للذودي***ما قعد لو هو مفرودي
ياكثر من الناس شهودي***واللي اعترضني غلطاني
يبري جميع الاوجاعي***مخلاص اهويمل بالقاعي
مع ربعآ وافين الباعي***ربعآ يوفون الدياني
تسنع كان انك غادي***اهويمل عقب جلادي
عندي صحيحآ وكادي***مخلاصه اكبر برهاني
نقول القول ونافيبه***والطيب مانجحد طيبه
ان صارة ازمه مع ريبه***ينجح بكل امتحاني
طبحوا فريس وفارس***بقاعآ مابه متارس
واحدهم للفعل امارس***للي يطب الميداني
الطيب قفاهم حول***يلحق التالي للاول
كلآ ابفعله تهول***والمحرق مثل الضياني
صكو علييه ياربوعي***يامنه هاب المنزوعي
ياعزي يوم الفزوعي***لكم بالفعل برهاني
ان صارة ازمه مع ضيقه***كلآ مايخلي رفيقه
يجيه اليا يبس ريقه***سرحان ينادي سرحاني
من عارض قافي وحرفه***مثل اللي ماصاب اهدفه
اللي كلامي ماعرفه***مثل اللي يخط النيشاني
نعمآ بكل القرايب***الولد هويا الشايب
الحاضر منهم والغايب***اربوعي ولد سليماني
اربوعي ياشتد الحبل***لهم الشجاعه من قبل
اركضوا والرمي يهبل***على جمع ابن عرداني
جانا صوالآ من حايل***شمالي بيضاء نثايل
نسي ماضين الفعايل***ومن ربعي شاف الحقراني
من قبل تغيب الشمسي***والرمي يحمسهم حمسي
كلآ تزبن له جمسي***مادرى عن درب الثاني
حسن بيديهم طريحي***يرفع ايديه ويصيحي
يا لولا وجهآ فليحي***ذكوه بهاك الميداني
لو شكر ربه وحمده***ما اهفا حظه وسعده
لو انه قعد ببلده***ما شاف الموت ازوياني
اغارو يبون الديره***واخذة الديره عسيره
حتى اللي يم الجزيره***غزونى ثاني زماني
غزونا على الجموسي***عليهن من صنع الروسي
مار ان الضلع محروسي***دونه عيال الويلاني
من فوق المسمى واهضابه***شبة نيران الحرابه
امحققين الاصابه***صدوا هجوم العدواني
تناخوا بالجعفريه***ما نشدوا عن المنيه
ساقوهم بالبندقيه***والنصر من عال الشاني
هذا الصحيح اللي جرى***بشهود اعيانآ وخبرى
حتى اللي بسوريه درى***واللي في مصر وايراني
كلامي هذا وكادي***وانا ما سب الأجوادي
اللي بالاعمار تفادي***يوم الملاقى شجعاني
اسب وجيهآ قبيحه***ماتنشد عن الفضيحه
ولايطيعون النصيحه***يوم الملاقى شرداني
واحدهم يبي الاماره***يحسبها كذب وقماره
وهو عفنآ مابه نماره***ويحسب حاله شعلاني
الردي الله لا يثيبه***العلم الطيب ما يجيبه
ما يدرك ياغير الخيبه***مثل اللي يمشي عرياني
ياولد مايشيل الحمل***ياغير المتن من الزمل
الحمل يبيله جمل***ما يشيله غير بليهاني[/poem]
|