يــــــاوزيــــر الــــتــــجـــــاره
قصيده للشاعر/عبدالرحمن عبيدالله البجيدي
((ياوزير التجاره))
[poem=font="Arial,7,black,bold,normal" bkcolor="transparent" bkimage="backgrounds/27.gif" border="double,10,burlywood" type=2 line=1 align=center use=ex num="0,black"]
حسبي على اللي حاربونا بالاسعار=ماكنهم مـن جنسنـا ياخسـارة
جاروا علينا والزمن مثلهم جـار=سيلٍ(ن) تجهمنا ونجهل مسـاره
يا عاشق اليورو وفكرك بـدولار=ماهي كذا والله اصول الحضـاره
بيع الغبن يمْحَقْ وأولابـه النـار=تبلي أخـوكُ وتبتهـج بانكسـاره
حكَّم ضميرك وانتهج نهج الاخيار=اهل المروة والكـرم والجسـارة
والله يرزق بالبـراري والابحـار=خلقه وينبـت ماتسـرك ثمـاره
وين الرقابة مع بعيديـن الانظـار=وين المشايخ في البلد والامـارة
وش حيلة اللي اسرته ملية الـدار=مصروفهم اصبح يفـوق اقتـداره
حتى حليب اطفالنا للاسـف طـار=سعره ولايعـرف مـداه وقـراره
نصرخ ونعلن بالبوادي والامصار=حـل القضيـة ياوزيـر التجـارة [/poem]
,,,,,,,,,,,,,,,,,,,,,,,,,,,,,,,,,,,
للشاعر/عبدالرحمن عبيدالله البجيدي
__________________
هِــزّ كتف الحميّا .. وإتّساقـط رجال
هِــزّ كتف المراجل .. وإتّساقط حـميّا
ياجـديل المعاني .. بالمحاني جِـدال
نبضها بالخـفـوق .. وبــوحـهـا بالـثريّا
حسين الهوران
حسابي تويتر/متابعتك(@alhoran15)تشرفني
|