جديد(سعد بن جدلان)
[align=center][align=justify]لوّ إن عندي مثل ماعند الوليـد بـن طـلال
شريت برج الفيصليه لجـل اغيـظ المملكـه
ماهو على شان الجنيه ولا على شان الريـال
لكن على بالي طـرى شـيٍ تمنيـت أدركـه
غروٍ, غريرٍ غـرّره زينـه ومطغيـه الـدلال
لاشاف له شيٍ يبيه فظـرف لحظـه يملكـه
اللي سواته وبسهوله يملـك قلـوب الرجـال
اليا لمح له درب في قلـب الرجاجيـل سلكـه
هذا وأنا ماشفت منـه إلا التمنّـع بالوصـال
كفي من الحسـرات لامنـي تذكـرت افركـه
يحبني وأدري بحبـه ميـر ماجالـي مجـال
أجلس معه جلسه وهذا الوقت ما فيـه بركـه
يطري علي مع السهر وأخذ ثلاث/أربع ليـال
تقول كن العين ظبي وحضرة الليـل شركـه
صوته ليا جاني ظما يسقيني المـيّ الـزلال
وساعة غيابه تدخل عيوني ونومـي معركـه
شفايفه جمرٍ وأنا شاعـر سريـع الإشتعـال
الله أشغلني به وغيري ما أشغلـه إلا كبكـه
لبّا عيونه والشعر لاحط شـال وشـال شـال
إن طوّله وإن قصرّه وإن سعْوده وإن أمركـه
ولبّا النحيل اللي تحمّل شيلـة حمـولٍ ثقـال
ولبّا الثقال اللي ولو وقّف يجي فيـه حركـه
إليا قفل جواله أظلم كـل مـا حولـي ومـال
فكري لتيار العذاب وكـل طـاروق إمسكـه
وأصبحت أهوجس ما تقول إلا الوليد بن طلال
مع إني أفقر شخص عايش في حدود المملكه
[/align][/align]
__________________
هِــزّ كتف الحميّا .. وإتّساقـط رجال
هِــزّ كتف المراجل .. وإتّساقط حـميّا
ياجـديل المعاني .. بالمحاني جِـدال
نبضها بالخـفـوق .. وبــوحـهـا بالـثريّا
حسين الهوران
حسابي تويتر/متابعتك(@alhoran15)تشرفني
|