هذه قصيدة وجدانيه رائعة جدا لصالح الخمشي

قالت تحداني! أبذبحـــك وأحييـــك ............. وإن مت أضمك وتحيا قلت هونك
وشلون تذبحني وانا ميت فيـــــــك .............. قال انت قلت وكلهم يسمعــــــونك
تقول أموت بذيك وأحياعلى ذيـــك.............. بلاك والله زايداتٍ جنونــــــــــــك
كيف الشفايف تقتلك ثم تحييــــــــك.............. أكيد تمزح خايف يصدقونــــــــــك
قلت انت خلك في مكانك وانا جيك..............إن شفتي بس ابتسم يعذرونـــــــــك
احترت بك حيرتني حن وشفيــــك.............. المبسم الوردي ذبح من يبونـــــــك
يزهى الدلال وفيك يزهى تغليـــك.............. خافوا محبين الهوى يقربونـــــــــك
كلك حلى حتى الحلا حايرٍ فيـــك............... الله عليك اشغلت منهم يبونــــــــك
إن جيت كل الناس قامت تحييــك............... وإن رحت راحوا كلهم يتبعونــــك
سبحان ربٍ صورك كيف معطيك............... قصر الجمال أنت الملك يحسدونك