عيونك ســــــــــود
عيونك سود
إحساس بليا قيود
أتوه بغربة عيونك
وأظل بعالمي مفقود
عيونك فني والمرسم
وهم وأقدار مجنونه
تنطرني وأنا موعود
عيونك كذبة البارح
لطفل داله و سارح
يداعب حلمه يمازح
يجيلك جارف وجامح
يكسر كل أقلامه
سهر ليله ولا نامه
رمى شرشفه وأبوه لامه
يبي عيونك
يبي حلم صفى واقع
تقول الناس ولاهمه
يشوفك دايما موجود
عيونك سود
عيونك تسكن بذاتي
تراسيمي ياأطراف إمتداداتي
بعثرني وكسرني
شتتني ولملمني
جمعني وجنني
إمزجني بتفاهاتي و حماقاتي
أبي أستوعب
قبل أتعب
ونعاس الجفن له يغلب
وأكره فرشتي وأغضب
وأنام ومنيتي ألعب
أخاف أنك تبي فراقي تبي تهرب
لاتفرح أعيشك حتى بمناماتي
عيونك حلمي المنشود
عيونك سود
طفل رسم حقل ورود
تخيله وطلع يركض
لقى هم لبس مقرود
رجع ملهوف يبي الدفتر
يبي سحر طغابه زود
تلفت صفحته بيضه
كنك حلمه وهو مانام أو مطرود
بكى من يومها طفلي
بكى من غيبتك تدري
بكى جمر لجى لصدري
بكى ويسأل ليه تغيب من بدري
يقول أنك جفى وصدود
عيونك سود
__________________
لـ(حضنت الـكون يـمكن تحس بـصرختي)ـو (رابط مدونتي الخاصة لكل حرف قد فاتكم) شرف بأن تقرأوني أعزائي
التعديل الأخير تم بواسطة محمد الدروان ; 02-05-2009 الساعة 07:11 AM
|