دانا..... فتاة تعيش بلا طعام... بلا مأوى... وهي تملك الملايين... فتاة من الواقع... انقلها لكم.. ربما تقروئني من خلالها


دخول...
_____
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
السما موق وعيون الغيم غده= والمطر.. دمعٍ سكن في خد سايل
لو سقى رمشه وعدى فوق خده=مامنع موقه يجيب الديم صايل
المخده كفه.. وكتفه مخده= لو يميل العنق.. تلقى الليل مايل
تستريح بزفرته هم المكده= وتختفي في شهقته نار التحايل
عقربٍ يظهر با أفعاله موده= يلدغ ويلسع ويبعد ما يهايل
المطر لو عال ما يقدر يرده= يشربه خده ويبقى الموق عايل[/poem]

المشهد...
_____
[align=center]اربع وعشرين عام
والمطر ماقد سكن
الشتا طفلٍ ينام
ويلعب بقلب وبدن
والجفاف... عيون.. ودموع.. وخدود
ماتناساها بصدود
والقهر
اخدود ...شققها المطر


ضعت مابين الشوارب
وضاعت الساعه وبقى لسع العقارب
من اقارب
انا..... ما... آضي
ياشين نظراتي على الماضي
حاولوبي... وعمري بس ... ستة شهور
دوروني... وكنت ادور
وكلها.... يا(يــــــــــــــــوم)
اربع وعشرين عام.... ولاعرفت النوم


يا(يـــوم)..... يا اللي ما شفتك
انا شرفتك
حاولوبي....قصدهم بس التسلي
وكلها بس ( ركعتين)... وربي هو اللي فطن اللي
ضاعو بفعل المضارع
وضعت انا بذيك الشوارع
كنت انا..... ولا زلت
في بيت.. به جدران... له بيبان... ما يستر البنت


لقمتي جتني من ناس.... احتفوبي
(تركي).... (وهندي).. اعطفوبي
ربي اللي سهل اللقمة من اديهم..
هي ثلاث وجبات تكفيني.. وتجيني من حديهم.


ونعلي اللي شالني سبعة سنين
له حنين...
كان يكبر كل عام
وثوبي اللي يستر اعضائي... يجيني والسلام
وشعري اللي ( كدته).. ابله عفيفه
قالت بصوتٍ عطوف.. انتي يابنتي(شريفه)
بس لازم تسبحين
الدموع( اتنظف) (اوجيه) الصبي
وليه جسمك مايبي.

وحفرتي... في بيتي المهجور... يا احلى سرير
ما انام الليل... وعيني عين ذيب
انتظر فجرٍ يجيب الشمس .. وودي ماتغيب
لاقريب... ولاصديق... ولاحبيب.


الا ... والله .. لي قريب
لي خال... ولا يزال
كل همه ..كيف يدفني ويلعب بالحلال
ولي عم... كان هم
هو واخوانه غدوبي... ولادروبي
ماخذين الحق مني وعمري بس ستة شهور
ساكنين احلى قصور
فيه (مويا).. وفيه(نور)
وكنت انا... ولازلت
في بيت.. به جدران.. وله بيبان... ومايستر البنت



دانــــــــــــــــــا.......
في دموعك استكانه
حكمة الله تختفي.... وتظهرين با امتحانه
للجنون اوصاف
وللغدر احلاف
والرحم... اصبح عميل المال
طامعٍ بك عم..... وطامعٍ بك خال[/align]

خروج.....
______
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حتى اليهود عيال عم النصاره= ماعذبوا طفله لها حق معلوم
يعطون حق وياخذونه(اجهاره)= مايلعبون بحسبة الشرع والقوم
مايجبرون عيالهم للطراره= لو كان واحدهم على العيش ملزوم[/poem]