05-09-2006, 07:35 PM
|
#1
|
تاريخ التسجيل: Mar 2006
المشاركات: 18,134
معدل تقييم المستوى: 30
|
ياللي زعلت أزعل ولاني مراضيك
[align=center] 
( الشاعر طلال السعيد )
[frame="2 80"]
ياللي زعلت إزعل ولاني مراضـيك ..... أشرب كدر ماي البحر كانه أرضـاك
لا تحسب أني عقب صدك بداريـك ..... بأعز نفسي عنك مـدراك..... مــدراك
أربـع ســنين وأنا متحمـل تغليك ..... راضي بتعذيبك لأجـل قلبٍ أغـــــــلاك
وخليتني واليــوم والله لأخـليــــك ....... وأدوس قـلبي لينـه يقـول خـــــــلاك
قبـل توريني الحسـاير بأوريــك ....... ليمن يقــــــال فـلان هانـــــك و ورآك
كـانك تحداني فأنـا أقبـل تحـديك ..... وأنسى الغـرام اللي مـضى وأتحداك
مـاني بقايـل لك عسى الله يهنيـك ..... الله يحـرمك كـل مـا كان هنّـــــــاك
عـسى العمـى ياخاين العهد يعميـك ..... فوق الغرور اللي عن الماضي أعماك
وعسـاك ما تسمـع قريب يناديـك ..... حيثك تجاهل صوت محـروم نــــــاداك
وعسى الشلل يعـوق رجـلٍ تمشيك ..... لـينك تنـدم ليـه غـيرت ممشـــــــــــاك
وعسى حياتك بس فرحـة لشـانيك ..... يلقى بها الفـرصـة عدوك ويشنـــــاك
وعسى الليـالي اللي تجيني بطاريك ..... يصبح عليها الصبح ويموت طريـاك
وعسى المنـام وكل راحة تجافيـــك ..... آمين حتى اللي تمنــاه يجفــــــــاك
وعساك ما تفـرح وتكثر بـلاويـــك ..... وأمك تشـــــق الجيب من عظم بلـواك
وإلى مت جعلك في جهنم تصـاليـك ..... نار الجحيم ونار دنياك تصـــــــلاك
الله يكـره فـيك حـتى دوانيــــــــك ..... غشـاش خـاين من من الناس داناك
هذه النهايـة روح والله يجازيــــك ..... أمسـك ويومـك عنهم الغد يجــــــزاك
[/frame][/align]
|
|
|