مساء المطر والخير ..

مني لأبو وايل الى اصغر عضو موجود في هذا المنتدى الشامخ بكم ..

لكل الانقياء اعتذر عن الغياب ولكن هذه قصيده جديده لعلها تشفع عن غيابي ..





[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لاجيت ابرّق بالزمان اللي عثرت بدربه = لقيت لي وقت ٍ يشيّب بالعيون أهواله

مزيج بين // الكذب// وجنون الجشع //والغربه = والمصلحه بقلوب ناس ٍ بالزمن محتاله !

وقت ٍ به الرجال مابلل ضماه .. بشربه = ولا لقى له لقمـة ٍ تسد فم عياله

لا لد وجهه في شمال الدار وإلا غربه = ماشاف ياكود " الهبوب" اللي تصّفق جاله ![/poem]
[align=center]//
\\
//
\\[/align][poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
"أهـب " ياوجه الغـدر في عالم ٍ مضطربه = حتى على "ظروف الفقير" تباشطه برياله

تبذخ ولا في يوم ذاقت جوع وإلا كربه = والكل منهم ينثـر بوجه الحرام ... امـواله !!

مصيرهم مهما يطول الوقت تحت التربه = في وقت مايشفع خطايا العبـد غير اعماله

ياكثر مانبغى السنع و" العود" شق القربه = ويديه في حلق " الخبيث" وللأسف ماغاااله !

من بعد ماشكـّل "فريق" وصار "راس الحربه"= اليوم غاب وغيـّب الله هيبته وافعاله

لايرتخي راسه وفيه من الخصال الذربه = "طبـع الشمالي" يحترم قوله وميـل عقاله

المشكله دايم يصـّلح حالنا .. ويخـربه = وإلا بلاش من الكلام .. الله يصلح حاله ![/poem]

[align=center]\\
//
\\
//
\\[/align]
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يفرد حجاجه بس تبقى " نفيسـته " مكتربه = ومن الفسق " خاتمه " يسوى دخل حي لحـاله

يكفي "حمام العز " طيـّر من يدينا .. سربه = حتى غدينا نشـرب الشاهي بدون " بياله"

عليك والله في ذرى شيخ ٍ ينومس قربه = اللي ليا ضاقت عليك بديرتك ..تلجى له

يكفي ليا منك طلبته شي قال : ابشربه = يمشي بوصيـة جده وعمه وأبوه وخاله !![/poem]




اخوكم / سعود

__________________