[poem=font="Simplified Arabic,7,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
لا تفتكر بذكرك والا اتصل بك=مادام قلبي صد يابنت هو صد
ماتبع ورى المقفين روح بدربك=واللي يشك بحبنا ماله الود
يضحك عليك الغير يومن لعبك=إلين انه قد قدر لك يبعد
لا وحسافه ضعت ضيعت حبك=حب(ن)بنيته بالصراحه وبالجد
حب(ن)تحلى بالوفا واعتنق بك=يومي بنيته جيت بيدك له تهد
ضيعتني ضيعت شرقك وغربك=خليت عذال الهوى بك تغرد
قلبي صفالك مابلحظه غدربك=وحبك بوسطه كان يكبر وممتد
خلاص روحي عافك القلب سبك=يعني على ماقيل عن حبك ارتد
القلب عافك ايه يابنت كبك=ولاتفتكر في يوم انك لي ترد
مابيك والله وافهميها ماحبك=قلبي الى من صد يابنت هو صد[/poem]