[poem=font="Simplified Arabic,7,white,bold,italic" bkcolor="white" bkimage="backgrounds/10.gif" border="double,5,white" type=2 line=0 align=center use=ex num="0,black"]


الصوم ماهو تركـة الأكـل والشـرب=
الصوم صـوم بكـل باقـي الجـوارح =
الصوم ماهو نوم ياصاحبـي الـذرب=
واسمع نصايح مـن كتـاب النصايـح =
الله خلـق آدم مـن الطيـن والتـرب=
ودله علـى دربيـن صالـح وطالـح =
وانت الـذي عليـك تتخيـر الـدرب=
تختار درب الحـق والصـدر شـارح =
وطبعا وشهر الصوم به مغفـرة ذنـب=
وأنت اغنم الفرصـه وربـك يسامـح=
طول النهار النوم يبعـدك عـن قـرب=
عن قـرب ربـك ماتفـوز بمطامـح =
تترك صلاة الفرض ثم تغضب الـرب=
تـرى صلاتـك راس راس المرابـح =
لحظة تضايق تدعـي لفـارج الكـرب=
تصيـح يارحمـن للضـيـم كـابـح =
ودامك نسيت الفرض وش ناتج الضرب=
الله يمهـل كــل نـاسـي وكـالـح =
ارجع لربك يافتـى الجـود لاتهـرب=
وافرق قراح الشرب مـن مـي مالـح =
والصوم ماهو تركة الأكـل والشـرب=
الصوم ياخـي صـوم كـل الجـوارح =[/poem]

__________________