طحت في شملاني كانك مادريت
[frame="8 80"]لا تقرب لي انا صاحب مبادي
ولاتخيلني اصير اللي هقيت
جيت بنصح يمكن مضيع وغادي
بانصحك ابعد وفارقني خسيت
والنصيحة طحت في سقم المعادي
طحت في شملاني كانك مادريت
وان بغيته ترجع لفعل الايادي
نجس والله ماتنجس بك هبيت
يعني تبطي ماتذل(ن)بالتمادي
ولانخلق اللي يذل(ن) ماحييت
لابتي عزه على كور الشدادي
فعلها والله يدرس بالسوفييت
وانت صانع ابن صانع والوكادي
منسبك في عبد بيره ماستحيت
والاصل ماهو بسلعه للعبادي
ولايغرك كم تسوم وكم شريت
والمسيل اللي يخالط كل وادي
هذي للي باعك اختام ولفييت
البغل ندري ابوه أحمار عادي
لكن امه عنها بالمال انعميت
يعني افهم تالي النار الرمادي
والصدا يبقا طليت او ماطليت
ولا انا من ماكر احرار الهدادي
بأطيب الويلان بافخر لاعتزيت
والشهادة قالها شيخ(ن)قيادي
قالها الشعلان اسند ان حكيت
عن لقيه ياعنزه اعتمدو اعتمادي
ضيفت الشملاني محسوبه قضيت
قلتها يمكن لقت قلب استفادي
واستفْ لله رضيت او مارضيت
ولاتصير اللي يبي يصيد ويصادي
وكان تفهم مقصدي للارنب رميت
والنهايه كلمه ابموجز مفادي
أنتبع ماتبع احد لامن مشيت [/frame]
عبداللــــــــــــه بن ضيف اللـــــــــه الشملاني
|