[align=center]قصيدة مختاره :

للشاعر حمد السعيد

من http://www.al-buainain.org/vb/showthread.php?p=26860



مساكم الله بالخير


هذه القصيده كتبها شاعرنا المبدع عندما غدا طيره وصور نفسه وهو يناجي الطلح ويسالها عن طيره العزيز على قلبه

[align=center]
يالطلح مامرك مع الصبح صافي
طيرٍ غدا لي امس والشمس حيه


اتلى العهد به راح يطرد مقافي
خبري به اوما في جناحه هنيه


ورد الطلح:لاوالله الامرنا العصر وافي
كنه غلامٍ مستـغير بهيه


اقبل علينا ثم اخذ بانحرافي
يوم الحباري وقعن له سويه


قلت:يالطلح قل لي عل مابه خلافي
البارحه برد وشمالٍ قويه


كانه تعشى قلت عله عوافي
والحي يجمعه الولي مع خويه


ورد الطلح:لاوالله الا صاد خرب متعافي
واخذ عليه من الثنادي شويه


لامفلسٍ مره ولاقال كافي
يوم اخلفنه عن عشاه حقبيه


قلت:خابره والله قاطعٍ مايخافي
دايم على الصيده تجي له حميه


انشدك باللي منبتك بالسوافي
عساه في خيرٍ ولافيه سيه


رد الطلح:خبري به اقرش في سبوقه خلافي
مابه بلاوامـرح على هالحصيه


والفجر شخّص بالنواظـر وشافي
طلعه بعيد ويمته ساحليه


قلت:يالطلح ذا حبه ولاهو بخافي
متعادلٍ حبه بحب البنيه


بعض الطيور ان راح قلنا عوافي
لاشك هذا وين ابلقى حليه


رد الطلح:اتعب عليه وعادت الحر يافي
اضرب سهلها والوعر والشقيه


يجيبه اللي رازقٍ هالعجافي
بهايـمٍ تمشي على غير نيه


قلت:يالطلح لك مني يابو غصن ضافي
لاجابه الله وكل نيه مطيه


لاجيك انا فـي موتر القش هافي
واسقيك هاللي باقي بتانكيه


وآطا على رملة سوافيك حافي
وكلٍ على ماقيل يذكر خويه[/align]

سوالم

حمد السعيد [/align]

__________________