قصة الدخيل الذي انهى حرب دامت عشرين سنة .
[align=center]قصه وقصيده اعجبتني ونقلتها لكم
قصة الدخيل الذي انهى حرب دامت عشرين سنة .
ذلك ان الخريشه شيخ من شيوخ بني صخر اقحطت دياره وقدم على محمد ابن سمير
فأكرمه غاية الأكرام ( رغم مابينهم من عداوة سابقه ).. وطلب منه الخريشه
النزول بأرضه فسمح له محمد بذلك .. ,
وقال الخريشه : وربعكم الشرقيين ( يقصد الروله)
قال ابن سمير : حنا وياكم عليهم!؟
وكان يشتغل عند ابن سمير ( قهوجي) اسمه قريان الرويلي
ويسمعهم يوم يتفقون على قبيلته!؟
فقال للشيخ : ياطويل العمر انا عندي قصيدة؟ قاله : قلها.
قال قريان الرويلي :
يالله ياخــــلاق ليــل ونهـــارا : انت الكريم اللي بظلك سكنا
ياشيخ يامخلي سروج المهارا : جلست عدوانك بكرسي وطنا
ترى الجهل مايستوي للكبارا؟: مطلب خويه بالرديه امعنــــــا
منهجك ظلم ٍ والمناهج نهارا : نبغي نصلح نيتك من عفنـــــــا
تفرش للخريشه حرير ٍ ايمارا : وحنا نشوف فراشكم كف عنـــا
الخريشا نمر ٍ ومن كبار النمارا : ياكلك كانه باللقا غر منـــــا
كالحر يضرب بالمخالب وطارا : مخالبه في ثناديك اغرسنــــا
تطمع بك الارنب وحتى الحبارى : ويطمع بك الحصني لك الله مثنى
لو مازعلنا يزعلن العذارى : والعلم عندك يازبون المجـنــــــــا
تجيك من قبله سلاف ٍ تبارى : من زملت العليا لرعيان خــنـــــا
يتلون شيخ ٍ زار خصمه جهارا : يكسب بكونه كل من ركب دنـا
الى انتثر ملح زغوت السكارى : يضفي على النزل المطرف دخنا
راحوا لك العدوان مثل العفارا : ضبضاب قبس ٍ وانجلا الدخن عنا
حنا الدوا يذخر بوسط الجرارا : طب المريض اللي عليك يتـجـنـا
وحنا ربوعك في نهار المثارى : مبطي لهم عدوان انتم وحـنـا
عدوكم نطلاه طلي الحوارا : ونقطع عقاله مايعودك امـثـنـــــا
فغضب الخريشه من قصيدة قريان وقام من المجلس بعد ان وصفه
بأنه خائن وليس له امان .. وانه عدو قديم!؟
فأخذ محمد بن سمير السيف يريد قتل قريان لأهانته لضيفه!!
وانحاش قريان ودخل على الحريم بالمحرم .. !!
ولاذ ورى زوجة محمد بن سمير
الشيخة حربة الملحم .. الملقبه بالخطيبه .
وهو يقول دخيلك يالخطيبه دخيلك!!؟
ويبي يذبحه محمد من وراها .. !؟
قالت الخطيبه : دخيلي ماتاخذه من وراي ..
وكانك ولد ابن سمير انا بنت ابن ملحم ،،
وفكت دخيلها من محمد بن سمير... !!
وزعل الخريشه وطلع من المجلس لأن ابن سمير ماذبح قريان..!!
وهو طالع مع جماعته أغار على نياق ابن سمير .. !!
وكان جنب البل .. ولده راجح بن محمد بن سمير.. وهو فارس معروف لكنهم
واجد .. وقتلوه واخذوا البــل..!!
بنفس الوقت كانوا الروله غازين على ابن سمير ويوم وصلوا ..
مالقوا البل وشافوا راجح مذبوح ... !!
وسألوا الرعيان وخبروهم باللي صار!؟
وأخذتهم الحميه لبني عمهم رغم العداء اللي استمر عشرين سنه بينهم..!!
وانقهروا لقتل فارس مثل راجح ..!!
مع انهم هم اصلا ً جايين عشان ياخذونها ....!!!!!
ولحقوا الروله بالخريشا .. يبون ثار راجح..!!
وهم يرددون .. راجح ياخفيف الدم .. راجح ياخفيف الدم..!!
ولحقوه الروله وقتلوا الخريشا .. واللي معه ..!!
وعادوا بالأبل لأبن سمير ...!!
فتصالحواالرولة مع ابن سمير وتصافوا بعد العداء الطويل[/align]
|