رد: من لديه هم تجاه منتدى الويلان فلا يبخل علينا بالنقاش الجدي
[align=center]اخوي العماري ... بكل سعة صدر اتقبل كلامك ووجهة نظرك 
و هلا بك يا ابن وايل في منتداك
اخوي العماري
نضرب مثال ونقول فلان من الناس مايحب الا الشعر و الادب و القصص
وسجل معنا بالمنتدى ... 100 % راح يكون تواجده فقط بمنتدى الاداب و الشعر
او مثلا نقول شخص مهتم بالاقتصاد والاسهم و التجارة ... كذلك راح يكون تواجده
في منتدى الاقتصاد و الاسهم
لو احتكرنا المنتدى وخلينا الموقع فقط يهتم بقبيلتنا
اكيد و ما فيها كلام ... اللي يسجل بالمنتدى ويلاقيه انه مهتم بس بشؤون القبيلة
يكون بين احتمالين:
يا انه يترك المنتدى لانه مالقى الاشياء اللي يحبها ويهواها
او انه راح يسجل بمنتدى الويلان و بمنتدى ثاني يلبي احتياجاته ... واذا سجل بمنتدى ثاني مع الوقت تقل مشاركاته بمنتدى الويلان ... الى ان تنعدم ويخرج من المنتدى
ليه مانخلي المنتدى يشمل جميع الاقسام و المواضيع
و اللي ما يبي القسم الفلاني ما احد يجبره على الدخول و المشاركة فيه
و يخلي كل اهتمامه بالقسم اللي يرتاحله و القريب من هوايته و ابداعاته و نشاطاته
و على قولتك لما الناس يبون يعرفون شي عن عنزه يطقون القوقل ويطلع لهم اللي يبون
ليه ما نقول لما الناس يبون قصيدة معينة او برنامج معين او طبخة معينة او صورة معينة يطقون قوقل و يطلعلهم منتدى الويلان و يلاقون اللي يبغونه ...؟!
ياليت و جهة النظر و الفكرة اللي براسي وصلت لك اخوي
و للمرة الثانية ارحب فيك و يا هلا بك معنا
تحياتي لك
اخوك / عبدالله العنزي[/align]
__________________
التوقيع الجديد تحت الإنشاء
التعديل الأخير تم بواسطة عبدالله العنزي ; 04-28-2007 الساعة 11:43 AM
|