الاخ عبدالعزيز العنزي ابو غاده شاعر متمكن وله عدة مشاركات ودعوته الى الانضمام الى منتدى الويلان والمشاركه بمنتدانا العزيز ووعدنا بذلك فاهلا بالاخ ابو غاده ولكن قبل يومين ارسلت له رساله امازحه ببعض الأبيات الشعريه علما بأنني لست شاعرا لكن احب اكتب بعض الهواجيس فهذا ألي حصل مع الشاعر

ليا ابو غاده حاربت عيني النوم
عبره00تفاجئني وعبره وراها
استغفر الله كل ماصار مقسوم
اما سعادة نفس 000والا شقاها
صار لي ثمان سنين ياخوك لليوم
على أمل بكره يتحقق 000لقاها
يلعنك هوجاس معي دايم الدوم
ويلعن حلوم0 00ماتحقق مناها

فهذا رد الشاعر ابو غاده

يقول من قلبه عليل ومهموم
لوعات بقعاء حطمته00 بغثاها
جتني رساله صابت الجوف بسهوم
زودا على همي كوتني0 بشقاها
هيضتني يالقرم يانسل القروم
ابياتك الجزله 00عميق مداها
ابشر بعزك ياذرا كل محروم
انا يمينك يالبناخي 00 وعصاها
خذني معك للهند للشام للروم
نلحق هوى نفسك ونلحق هواها
ان كانها بالمال نشري بلا سوم
وان كانها بالحرب حنا دواها
يالوايلي لا هنت الصبر مايدوم
لابد مانفسك تحقق 0000مناها