المكان : لايمت للجمال بصله

الزمان : ليل الشتاء المتأخر

الأبطال : أنا وصديقي المزعج أحياناً

في ذلك الليل الذي تأخر كثيراً وفي غرفتي التي لاتمت للجمال بأي صله وبين أوراقي المبعثره
وأقلامي القديمه التي استنزفت كثيراً منها بيدي كتاب وأمامي ( دلة القهوه الشماليه ) أراقب صديقي
الذي انخنق صوته علماً بأن ذلك الصديق لديه قدره رائعه وهي أنه يتلبس الأحبال الصوتيه لكل صوت
فمرة ينقل لي صوت صديق غريبٌ قريب وتارةً ينقل لي صوت صديق قريب بعيد وفي لحظة من سكون طال زعق بصوته الذي ملأ الغرفة ناقلاً صوت فتاة تناديني تقول ( حنا جينا غلط ) ]فقلت لها :

جينا غلط بخبال شوق لمهابيل ..........بس المهم ان الغلط مو غلطنا
وش ذنبنا وان صار ربعك طبابيل........ اذا تناقشـنا معاهم ورطـــنا

قالت أي خبال وأي طبابيل أنا ماقصدي كذا أنا قصدي ؟؟؟؟

الجرح ياالشاعر تزايد نزيفه ..................مدري ألم أو مل سجن بعروقي
ودي أثور بوجه عمي وسيفه ................. وأخاف لايسلب بقايا حقوقــــي

قلت احمدي الله واشكريه بأن لك عم ولك بقايا حقوق تخافين عليها أما أنا :

أنا مافي مكان(ن) لوبغيت أدق به مسمار .......لقيت الخلق قدامي لها عمدان مدقوقه

أوقه هذا صوت أخي الصغير يقول لي تأخرت على عملك : فنهضت وأنا أردد:

يامعكر(ن ) جوي تراني هنـــــــيه .............ماني بعيد (ن) مير حول القوافي

أرجوك أنا يانابث الجرح فيـــــــه ............ وش لك بنبث اللي عن الناس خافي

وش العمل والراي وش السويـــــــه ........ ان صار شربك ياابن الاجواد صافي

وأنا شرابي دوم به مرمريــــــــــه ......... بس ارجهن حربي تراهي عــــوافي

لادار لاديره ولا أرض(ن) دفيــــــــه ...... حتى ولا ياصاحبي صدر دافــــــــــي

__________________
طير شلوى